Espuma (H8) (已易手) 新餐厅

朋友局外人话今日TEA想食窝夫,于是向日葵就上OPENRICE揾下,自知Dazzling排唔到,咖啡弄又去过好多次,于是揾到ESPUMA~ 如果三五知己,可以坐圆枱~不过我地得2个人,所以安排我地坐「二人枱区」...「二人枱区」,每排有3张二人枱,好似有4-5行左右,枱与枱之间无咩空间...倾计时无咁方便...一定听到隔离讲紧咩...喜欢咖啡既向日葵,觉得ESPUMA既热咖啡选择不多,所以选择左冻既~伯爵茶玛奇朵~向日葵好喜欢呢个味道啊~~~好香既伯爵茶味道~同时有茶又有咖啡~最重要系唔甜~~~~唔饮咖啡既局外人就要蜜桃柚子茉莉茶~味道清清地,唔会太甜,不过蜜桃味唔够出。平日TEA TIME有TEA SET,我地就点左其中一个--烟肉三文治~好在要一份TEA SET咋,因为三文治都几大份下。吸引向日葵既唔系三文治,而系旁边既沙律~至于三文治,普普通通,无特别。黑松露酱薯条黑松露酱好香,不过可以多D就更好。最后就系今日TEA既主角~~窝夫!ESPUMA有两款窝夫系每日提供既,另外有D系视乎星期几而提供~~咁我地当然试星期二限定啦~~香草肉桂菠萝窝夫配雪糕~~~份量十足~窝夫外脆内软~肉桂