甜牙牙

营业中

休息中

食完饭去食糖水，听闻甜牙牙口碑几好，而且好多人排队，就啰张飞等埋一份试下。其实都坐得几逼，枱枱都坐到好FULL，枱贴枱咁，不过唔紧要啦，食完就走。打开个餐牌见到样样都好吸引，三个朋友仔，最后点咗两份甜品，公司窝夫三文治配香蕉脆脆同士多啤梨窝夫。士多啤梨窝夫卖相好靓，窝夫热热地好脆口，加埋士多啤梨酱同士多啤梨一齐食，甜甜地几好味。而士多啤梨好在唔酸，甜甜地几新鲜。用架车载的公司窝夫三文治配香蕉脆脆真系好精致，载住4块窝夫同香蕉脆脆。窝夫有朱古力同绿茶味，朱古力味好食D，味道比较浓，但绿茶味真系淡咗少少。香蕉脆脆真系非常好食，食落有蜜糖味又脆口，而朱古力及绿茶雪糕都好滑，用嚟送窝夫一流，下次再来!