影片
更多
2022-03-26
633 浏览
喺黄竹坑住酒店，所以比较近嘅地点都系香港仔同鸭脷洲，有好几间餐厅都系Pet Friendly嘅，而拣依间系因为地方比较大，同门口位置人流唔会太多，Blue可以睇到街街～不过每次带Blue去餐厅前都会先打电话去问清楚，因为有过一次难忘嘅经验！万一无开或改咗狗狗唔俾入就麻烦喇！依间餐厅以食窝夫为主，主要不同之处系分为咸食同甜食，再配上不同配料。原本想拣Waffle Benedict，好可惜已经卖晒！最后只能拣份普通普通嘅，卖相都无乜特别🙈Farmer's Delight (sunny side-up）$96 烟肉太阳蛋窝夫好简单，就系有脆烟肉、太阳蛋、香草窝夫、沙律菜、枫糖酱。窝夫比其他地方有啲唔同，因为加入咗香草，明显为咸食而设，而唔系直接用返平时嘅牛油窝夫。但其他野咪就系烟肉同蛋啰～唔洗特别介绍。Crab & Avocado $88蟹肉牛油果窝夫多士迷你版窝夫，一样系用香草窝夫，上面加上蟹肉同牛油果酱。但蟹肉牛油果酱份量偏少，所以食落会觉得比较干。但味道唔错。Penne Carbonara $135卡邦尼长通粉依个卖相同香味都吸引好多！配有西班牙火腿同撒上巴马臣芝士碎，忌廉汁够香浓。
喺黄竹坑住酒店，所以比较近嘅地点都系香港仔同鸭脷洲，有好几间餐厅都系Pet Friendly嘅，而拣依间系因为地方比较大，同门口位置人流唔会太多，Blue可以睇到街街～不过每次带Blue去餐厅前都会先打电话去问清楚，因为有过一次难忘嘅经验！万一无开或改咗狗狗唔俾入就麻烦喇！
依间餐厅以食窝夫为主，主要不同之处系分为咸食同甜食，再配上不同配料。原本想拣
Waffle Benedict，好可惜已经卖晒！最后只能拣份普通普通嘅，卖相都无乜特别🙈
Farmer's Delight (sunny side-up）$96
烟肉太阳蛋窝夫
好简单，就系有脆烟肉、太阳蛋、香草窝夫、沙律菜、枫糖酱。窝夫比其他地方有啲唔同，因为加入咗香草，明显为咸食而设，而唔系直接用返平时嘅牛油窝夫。但其他野咪就系烟肉同蛋啰～唔洗特别介绍。
Crab & Avocado $88
蟹肉牛油果窝夫多士
迷你版窝夫，一样系用香草窝夫，上面加上蟹肉同牛油果酱。但蟹肉牛油果酱份量偏少，所以食落会觉得比较干。但味道唔错。
Penne Carbonara $135
卡邦尼长通粉
依个卖相同香味都吸引好多！配有西班牙火腿同撒上巴马臣芝士碎，忌廉汁够香浓。长通粉有口感~ Blue都觉得依个味道最吸引！
Greenlight $65
avocado,spinach, apple, lime juice, spirulina, basil, honey
饮品亦都算唔错，入面有成7种材料。牛油果、菠菜、苹果、青柠、螺旋藻、罗勒、蜜糖。饮落好清新，唔会有阵草青味之类，不过相对上牛油果味亦唔重，唔系想像中𠮶种牛油味沙冰，会系偏向系青柠苹果沙冰～
值得一赞系，餐厅入面嘅店员好好，因为我有提过Blue🐶好怕热，要有个凉少少嘅位置，佢预留咗个风口位俾我地，见🐶想拎野食，仲问可唔可以请佢食零食～吹吹风，睇吓街街就过咗一个下午，返去之前仲可以行吓附近嘅狗公园同海傍位置～
📍📍📍📍📍📍📍📍Bonza! by Waffling Beans (鸭脷洲)
鸭脷洲新市街29号地舖
📍📍📍📍📍📍📍📍
张贴
