夏雪 (已結業)

餐厅早前重新装修，入内明显感受到有悉心设计过，风格简朴得黎带点型格，但食物却保持旧有夏雪既灵魂。爱尔兰威士忌咖啡窝夫（加麻薯）窝夫比旧时多左口味同配搭，更会每月精选至少两至三款特色口味。等候时间都要预返10至15分钟，一上枱，香喷喷嘅咖啡味即刻漂扑上鼻，外脆内松软，加上黏糯嘅麻薯粒，多份口感，威士忌嘅味道唔太浓烈，唔好酒既朋友都可以一试，另外特别欣赏旁边咖啡味嘅雪糕球，食落醇厚亦唔易溶。Peach smoothie 冰块打得够碎亦够绵，清甜嘅香桃味回荡喺口腔，不过饮到落底就会有少少偏甜了。Hojicha latte焙茶味最怕会喝喉，但呢杯烘焙既茶余香亦无为饮品带来苦涩，加入左细滑既奶泡，绵密顺口之余仲带上浓郁奶香。💡餐厅改变左旧有logo，改为9个圆点集中系一齐，若然将九个圆点凑埋黎睇，就成为窝夫既九个格仔，而分开独立睇就系一杯杯咖啡，可说系含意满满。