滑蛋仔 (已結業)

最近两晚都同朋友去咗食位于小西湾嘅滑蛋仔饭，佢哋只卖自选配料嘅滑蛋盖饭，而且只开晚市几粒钟，但系依然带唔少回头客，我哋就系其中之一。配料选择带七款：猪、牛、鸡、虾、墨鱼同鳗鱼，我哋试咗其中六款，六款相当令人满意。猪扒焦香又不失软嫩，鸡扒皮脆得嚟肉质唔老，牛肉更加冇得弹，牛味爆棚，绝对对得住佢个名 － 牛魔王。海鲜部分亦非常带水准，凤尾虾富有弹性，相当惹味。鳗鱼调味啱啱好，日式酱汁味道丰富。麻香墨鱼亦十分惊喜，够麻又唔会太辣，做到齿颊留香。几种配料嘅共通点就系相当足料，大大份！最重要嘅系蛋亦都做得好好，蛋香浓郁又绵滑，一啖饭配上蛋及酱汁入口 － 简单、直接、好食！不得不提酱汁，绝对系画龙点睛，令人回味。另外，店家服务亦相当好，有礼貌又贴心，食得相当舒服。外卖都好快有，老板怕我哋唔饱仲特登加饭俾我哋，十分窝心！餐牌上嘅麻香鸡扒，主厨推介同芝士我哋都未试过，大家不妨去试下：）