佳牛美酒 (已結業)

今日朋友带咗我去一间新开嘅楼上餐厅食饭饮酒，一开䢂门就见到一个好大好靓嘅酒柜，望真啲全部都系真嘅酒!左边有个Dry-Aged Beef大雪柜。心谂间餐厅有料到，朋友果然无介绍错。好快就有位食饭，靓靓姐姐帮我哋嘅随身袋放入locker，等我哋可以安心慢慢享用佳牛美酒，真系一项窝心嘅服务👍！靓靓姐姐介绍我哋食四人餐，新张期内有八五折，当然要试一试😄！原来朋友一早已经喺网上订左两支红酒送到餐厅透气先，认真够朋友😘！但靓靓姐姐极力推介比利时啤酒俾我哋试试，平时真系好少沟酒饮，但可能环境舒服，就叫咗Round嚟试试。杯啤酒入口甘香厚身，同一般麦啤唔同🤔，睇睇啤酒成分原来有苦橙皮！如果唔系有两支靓红酒等紧我哋，真系要嚟多个Round! 本身好钟意食炉边烧，但成日都烧得太熟，浪费咗啲靓料😔！但呢度就有专人帮我哋烧同细心讲解食材嘅特性，我哋只需坐定定等食，真正👍！前菜系沙律同烧北海道带子，我钟意呢个烧带子嘅做法，有烧海鲜嘅风味，又有带子刺身嘅鲜甜！之后就到烧牛牛大餐🐂。先来三款烧和牛，有日本A5和牛牛三角、牛板腱同澳洲和牛牛小排。三款和牛加上餐厅秘制酱汁系炉上轻轻一烧，真系好味到不得了😋！再加上杯透足