元札幌拉麵 (宇晴軒商場) (已結業)

今日要带小豆丁学嘢， 学完已经到中午要医下个肚。 小豆丁见到咁大只叮当,( 出卖咗我年龄 多啦a梦至真) 立即吸引咗过去。再望下menu，星期日都有定食套餐， 就决定入去试。餐厅嘅装修都好日本风， 座位宽敞， 冷气同服务都好好， 见到有小朋友就主动派上唔同公仔嘅餐具， 一家大细去食都好舒适。一大一小叫两个餐一定食唔晒， 通常都系叫一个餐加小食， 但呢度就比较多配搭， 我叫咗一个叉烧拉面加咖喱饭， 都系78蚊， 加埋樽装汽水多5蚊， 呢个份量真系非常理想。叉烧拉面里面都有五六块叉烧， 叉烧肥瘦均匀，唔钟意食肉嘅我就嫌多， 面我就觉得适中， 汤底偏浓， 食落去略为咸， 食完饮埋支可乐就啱啱好。至于过咖哩饭就非常之啱小豆丁食， 味道唔辣，份量小小地。我埋单走嘅时候 ，老板仲叫小豆丁拣番一份小礼物， 正所谓物轻情意重， 小朋友离开嘅时候都好开心， 讲到明下次要再嚟， 真系皆大欢喜。