八月天 (已結業)

约左一班闺蜜大谈心事，所以一定要坐得耐，就去左巧明街碰运气。揾左几间最后中左上尼八月天，一入去已经比个装潢吸引住，色彩缤纷，光猛舒服，好有春日气息~~(一直好唔中意较到灯光好暗既cafe,好似唔知点咁)坐低之后老板好好人，知道我地未齐人完全无催我地落单，帮我地"针"埋柠檬水，咁我地就叫住鸡软骨食住等。鸡软骨新鲜炸出尼热辣辣，仲好juicy又唔会太咸，好食过放题同板x𠮶啲多多声!等到落单，成个正式西餐set 200有找，唔算最平但完全物有所值沙律啲虾煎过但唔算好出色，不过酱汁一流~餐汤甘笋汤味浓，连本来唔食红萝卜既闺蜜都觉得好饮餐包一定要大赞特赞!焗过既法包，唔系蒜蓉但系个酱又系异常美味，可见厨师真系有心思我叫左既main course 系蝴蝶型烧春鸡，鸡肉味浓仍然juicy, 马上切几旧分尼食，配菜同芥末摆法都好有心思，bbq sauce 就不过不失啦~~最后甜品叫晒四款尼试，意式奶冻，米糠布甸，焦糖炖蛋，心太软个人极力推荐奶冻(牛奶味重又滑)同心太软(采用黑朱古力岩我口味)至于饮品就要左姜蜜，够养生哈哈倾谈之下知道大厨系澳洲做过厨师，水准一定有保证，而且店员态度好亲切窝心，虽然我地得