影片
更多
2018-09-12
2268 浏览
睇过杂志报道有关呢一间餐厅，已经好想过嚟试吓，后尾连电视都报道，就的起心肝要过嚟。有心嚟嘅朋友要早少少到，会比较容易揾位。$55两𩠌饭，包一个汤或者饮品，价钱公道。我叫咗四季豆炒牛肉同咸蛋蒸肉饼，食物好快就黎到。味道唔错，并唔系一般茶餐厅𠮶种油腻同味精，而系屋企家常便饭嘅味道。份量对女仔来讲可能大左少少，男仔可能未必够。服务方面，有留意餐厅背景嘅朋友都知道呢间餐厅嘅故事，系一位妈妈为咗有特殊需要嘅囡囡而开，目的系希望有需要嘅人能够多啲接触外面嘅世界。所以系餐厅，其他服务员都系有特殊需要嘅人。睇来好多客人都知道呢个情况，所以大家系点餐嘅时候都多咗一份包容同体谅。最令我感动嘅，系我见到老板娘个一份爱心，会细心留意服务员嘅需要，喺旁边提点佢哋，令佢哋建立自信，能够投入社会。祝福你哋，我一定会再返嚟帮衬！
$55两𩠌饭，包一个汤或者饮品，价钱公道。我叫咗四季豆炒牛肉同咸蛋蒸肉饼，食物好快就黎到。味道唔错，并唔系一般茶餐厅𠮶种油腻同味精，而系屋企家常便饭嘅味道。份量对女仔来讲可能大左少少，男仔可能未必够。
服务方面，有留意餐厅背景嘅朋友都知道呢间餐厅嘅故事，系一位妈妈为咗有特殊需要嘅囡囡而开，目的系希望有需要嘅人能够多啲接触外面嘅世界。所以系餐厅，其他服务员都系有特殊需要嘅人。睇来好多客人都知道呢个情况，所以大家系点餐嘅时候都多咗一份包容同体谅。
最令我感动嘅，系我见到老板娘个一份爱心，会细心留意服务员嘅需要，喺旁边提点佢哋，令佢哋建立自信，能够投入社会。
祝福你哋，我一定会再返嚟帮衬！
四季豆炒牛肉、咸蛋蒸肉饼
$55
110 浏览
1 赞好
0 留言
张贴
