海南小廚 (已搬遷) 新店位置

新北江商场不嬲都多野食，但茶记快餐居多,岩坐耐d慢慢食倾计的铺头就冇咩边几间，海南小厨食物好味，可以一班人坐底慢慢食，重要的系店铺姐姐的贴心。晚餐时间海南小厨不嬲都好旺场，所以枱枱凳凳会开埋去商场的走廊，咁姐姐见我粗身大细，即刻叫我唔好坐胶凳，怕我滑亲，搬左一张重的木凳比我坐。 之后重问我热唔热，安排一个好d的位置比我坐。全程问姐姐拎野，落单等等都有讲有笑，十分窝心。讲返食物，我地一行4个人叫左：一个细的水煮鱼。点知上菜先发现，哗！咁大份的，入面重有薯粉。鱼滑，水煮鱼汤唔会太喊。一只鸡份量的辣子炒鸡丁，因为半只系一碟，店家好均真地分两碟上，鸡炸得脆，好味。凉拌海蜇，喊左d,要捞饭食先得。炒椰菜，好味唔油。