金龍冰室 (已結業)

呢间冰室嘅食物选择都算好多，而且环境几好，我哋两个人可以坐到张卡位， 坐得都几舒服㗎 。而且每样食物嘅份量都好多。 我哋叫咗两个餐， 一个系牛仔骨配吉烈虾，佢仲有得落龙虾汁添。龙虾汁配牛仔骨都几好味，而且份量真系好多，两个人都食到好饱 。吉烈虾都炸得好脆，而且又仲有吉列带子， 好丰富 。个餐仲包埋 粟米忌廉汤 ，汤好creamy，又够热，饮完好满足 ，仲要好多粟米添！我哋仲叫咗土匪鸡翼 ，每只鸡翼都好肥美，而且煎得够热，加咗少少蒜头上去好香口。 仲有个好特别嘅就系 滑蛋黑松露忌廉蘑菇饭，里面有好香嘅黑松露味，而且蘑菇同忌廉汁捞埋一齐食真系一流，捞埋饭好开胃。我哋仲叫咗两杯嘢饮， 柚子蜜同柑桔柠蜜都冲得非常好。