影片
更多
2014-11-05
2344 浏览
Openrice 送了戏票，去油麻地百老汇电影中心睇戏之前当然要医肚先！之前见呢间食店做团购，睇食评又话唔错！平均消费都几高，但根据经验，去食高级食店食午餐，就可以以合理价钱食到食店嘅招牌菜！1200开门，我1210左右到，只有我一个食客包场，侍应只有一个男店员，好细心帮我拉开门挡布（其实门挡布都唔长，所以觉得细心）比我坐中间卡位，每个卡位可以坐两三人，独立一个炉，略窄而各自有空间！食店仲有露台位，可以望到街景，灯光偏暗，中间有个大吧枱，似系居酒屋格局！地方干净企理！灯光偏暗，唔知系因为万圣节关系，因为成个场都系万圣节装饰！坐低已比杯热茶同醮酱料，午餐餐牌有两张，一张定食，一张烧肉，我见一人烧肉午餐只要$88，好多食物！选择又多！即刻落单！落好单，店员已经帮我开定炉！等咗一阵，店员先比晒啲前菜、小食、腌菜、刺身、面豉汤比我，然后食到差不多，就将一碟我落单嘅烧肉放我面前，5片牛舌，5粒和牛，一个锡纸兜放两件凡立贝连清酒牛油，女店员好细心讲解要将锡纸兜放在炉面，等清酒滚了再反转凡立贝！然后我就开始自己烧肉！烧肉（三选一）：葱蒜烧上等牛舌--有5片，每片上面有葱蒜，葱蒜蓉偏咸，牛舌好薄，肥脂
1200开门，我1210左右到，只有我一个食客包场，侍应只有一个男店员，好细心帮我拉开门挡布（其实门挡布都唔长，所以觉得细心）比我坐中间卡位，每个卡位可以坐两三人，独立一个炉，略窄而各自有空间！食店仲有露台位，可以望到街景，灯光偏暗，中间有个大吧枱，似系居酒屋格局！地方干净企理！灯光偏暗，唔知系因为万圣节关系，因为成个场都系万圣节装饰！
坐低已比杯热茶同醮酱料，午餐餐牌有两张，一张定食，一张烧肉，我见一人烧肉午餐只要$88，好多食物！选择又多！即刻落单！落好单，店员已经帮我开定炉！
等咗一阵，店员先比晒啲前菜、小食、腌菜、刺身、面豉汤比我，然后食到差不多，就将一碟我落单嘅烧肉放我面前，5片牛舌，5粒和牛，一个锡纸兜放两件凡立贝连清酒牛油，女店员好细心讲解要将锡纸兜放在炉面，等清酒滚了再反转凡立贝！然后我就开始自己烧肉！
烧肉（三选一）：葱蒜烧上等牛舌--有5片，每片上面有葱蒜，葱蒜蓉偏咸，牛舌好薄，肥脂分布均匀！一烧好快出油，卷埋葱蒜一齐食，咸香油香满咀！好正！
串烧（三选一）：冬菇拼日本人蕃薯--两件鲜冬菇好厚肉，上面洒满木鱼碎，不过我觉得烧得唔够透，唔够淋身！中心仲好干！蕃薯仔三粒一串，烧得好淋，蕃薯皮烟韧，蕃薯肉好甜！一啖一粒！好似食甜品！
烧肉精选（十选二）：极上岩盐蒜片一口牛--5粒油脂分布几好，不过方形几难烧，第一粒只有三成熟！（我未掌握到技巧）之后几粒就烧到我至爱嘅五成熟，虽然唔系入口即化！但都满咀牛肉香！我点小小烧肉汁，唔想抢走啲牛味！一级正！
清酒牛油凡立贝：呢个要等到最后先食！因为要等到滚都要一段时间，我食晒啲牛肉都未滚，店员见我等水滚，帮我调大个火，仲同我讲个凡立贝本来系熟，煮汁系要令清酒汁味道进入凡立贝！之后个汁滚食得！凡立贝全只完整，淋身唔韧，但个汁酒味几重，带微苦味，可能因为凡立贝唔连壳，如果系连壳嘅，有海鲜汁流入个清酒汁会平衡啲，好味啲！
跟餐嘅食物多到吓亲我：
醋汁沙律：份量都大碗，蔬菜新鲜，种类亦好多，醋汁酸酸地，好开胃！
温泉蛋：好大只，好滑，一啖食咗蛋黄，好浓厚，豉油唔会过咸，好清！
腌菜：两片黄瓜，两枝牛蒡？咸咸爽脆，配珍珠米白饭一流！
三文鱼刺身：两片厚切，无雪味！我连埋伴碟紫苏叶一齐食！好鲜！
面豉汤：唔系即冲，不过个餐实在太多食物，好饱，饮到少许，有啲海带豆腐，唔会过咸，味道正常！
珍珠米饭同面豉汤仲可以任添，但我食得晒成个餐已经好叻！无可能再添食！
饮品：白桃乳酸--唔系加钱，系跟餐就有，加钱可升级做啤酒，乳酸味道酸酸甜甜，唔会假（唔似饮药水）好浓，似白桃浓汁加益力多！好味！
食物真系好味！难得服务细心，好多时都会温馨提示我要注意嘅地方！埋单仲有折！只要$84！我饱到顶住个肚走！个男店员仲送我搭䢂！前后讲了三次多谢！一个好窝心满足嘅午餐！
张贴
