鐵板先生

营业中

休息中

Item: 鐵板先生
Rating: 3
Author: Katrina-Yu

Mr. Teppanyaki

98 食记

味道

环境

服务

卫生

抵食

5045

尖沙咀

$201-400

日本菜铁板烧

Katrina-Yu

等级4

199

夫妇朋友约食饭，地方由佢哋选择，之前未认识呢间位于山林道嘅餐厅，朋友推介食物新鲜同价钱相宜。我同大佬都系当日先知原来去揾铁板先生。朋友已预定铁板活龙虾套餐(二人前)。原因老板只会一日前亲自去攞海鲜，于餐厅养过一晚夜，确保食材品质先供应俾客人享用，所以想去食海鲜铁板烧嘅朋友就要早一两日打去预订。是日星期六大概8:00到达，舖头唔太大，铁板烧前座位加埋我哋一行四人已经坐满，见师傅同其他客人交流有讲有笑，好温馨热闹。师傅知我哋预定咗龙虾餐，喺水缸捉咗两只生猛活龙虾即席生㓥，佢表示餐厅著重海鲜等食材要新鲜。套餐食物方面如下:-1. 木鱼丝蟹籽沙律 – 一贯蟹籽沙律，不过加咗木鱼丝，多一层口感同香味，蔬菜都清甜爽口。2. 时令刺身 – 赤虾、鱿鱼、三文鱼同北寄贝，平平凡凡。3. 鱼头豆腐面豉汤 – 雪白嘅汤一入口就品尝到浓浓鱼味，配料豆腐海带一啲都唔逊色。不过怕鱼腥嘅朋友一定要衬热饮同小心鱼骨。4. 龙虾 - 师傅㓥好龙虾肉喺铁板度先煎香，龙虾头嘅膏加适量调味炒香，最后将炒好嘅龙虾膏加落龙虾肉翻炒至均匀上碟。龙虾肉香口弹牙，件件都散发住虾膏味，鲜甜回甘恒久不散。5. 鹅肝 – 沾上少少粉喺铁板慢

2. 时令刺身 – 赤虾、鱿鱼、三文鱼同北寄贝，平平凡凡。

3. 鱼头豆腐面豉汤 – 雪白嘅汤一入口就品尝到浓浓鱼味，配料豆腐海带一啲都唔逊色。不过怕鱼腥嘅朋友一定要衬热饮同小心鱼骨。

4. 龙虾 - 师傅㓥好龙虾肉喺铁板度先煎香，龙虾头嘅膏加适量调味炒香，最后将炒好嘅龙虾膏加落龙虾肉翻炒至均匀上碟。龙虾肉香口弹牙，件件都散发住虾膏味，鲜甜回甘恒久不散。

5. 鹅肝 – 沾上少少粉喺铁板慢慢煎香，渗出鹅油后件件都差不多仲有2厘米厚，生熟度适中，表面金黄香脆，里面香滑软熟，味道唔太浓郁，连埋脆多士食落口感觉唔会太油腻。

6. 银鳕鱼 – 煎得比较过火，虽然表面金黄，但冇咩油份，鱼肉食落好干冇应有嘅鱼香，略逊一筹。

7. 安格斯牛扒 – 因每人都要求唔同嘅生熟程度，师傅都做到唔同嘅要求。我要四成熟，完全合晒标准。表面微微焦香，肉质软淋，肉汁同油香一般水平，不过牛肉味偏淡，胜在有炸蒜粒增加香气。

8. 炒杂菜 - 师傅用牛扒肥膏煎出嘅油嚟炒，虽然牛油味唔算太重，椰菜同杂菌等蔬菜都有沾上香气。

9. 炒饭 - 都系用牛油同牛油渣炒，见师傅打咗白鸡蛋同啡鸡蛋混合喺白饭，炒到粒粒饭都均匀有蛋浆包裹，洒上樱花虾、葱花同蒜粒，食落干爽烟韧，口感丰富调味得宜。

10. 龙虾头面豉汤 - 再嚟面豉汤，原来系用个龙虾头熬煮，个汤完全充斥住好浓郁嘅龙虾香味，仲饮到啲龙虾膏粒粒，十分滋味。

11. 甜品 – 分别系绿茶味雪糕同豆腐味雪糕选其一。绿茶味浓，豆腐味清甜，两者都好香滑，感觉完满。

当日食到咁上下，老板娘叫我哋去影相，我𠮶时心存问号。原来我朋友Book台时提及呢餐饭系为我庆生，特意喺铁板上舖咗公仔同祝福字句，我第一眼见到好感动，而且塑图可爱而不失精致，而呢个绘图制作由老板娘完成，真系好有心思。