心選 (已結業)

香港生活压力大，偶尔想揾个地方静落来，同朋友坐底饮下食下野，玩下game, 调节心情再重新出发，呢间楼上cafe真系唔错既选择。虽然处于旺角闹市，但上到来可以静静地，梳化宽敞坐得舒舒服服，店内装修相当精致，好有圣诞气氛。餐厅采用open kitchen, 可以睇住店员煮食，证明餐厅干净企理，店内仲有提供wifi, 就唔怕唔够data啦店内提供好多唔同board game.餐牌都有唔少选择，单点/多人套餐都有，对于选择困难症既人，店主仲提供选餐tips.我同朋友分别单叫左个芝士吞拿鱼焗长通粉同辣韩式炸鸡长通粉，填饱个肚。韩式炸鸡长通粉甜甜地，通粉有小小微辣令成碟野更惹味。炸鸡炸得好好，唔油腻，外脆内软，旧鸡好滑好好味。芝士吞拿鱼焗长通粉啖啖都系超浓芝士同牛油味，加埋小小咸咸既吞拿鱼吊一吊味真系一流，钟意食芝士既朋友一定食得超满足。点红点绿，个名好得意，原来系茶入面加左d蒟蒻波波，甜甜地，烟烟韧韧几得意，成杯野感觉几清新。红枣杞子菊花茶真系好养身，店员递来时细心提示我地要俾佢焗一焗先饮，味道会更浓。成杯茶菊花味好香，餐厅另配一杯糖酱俾食客自己落，不过其实配埋红枣同杞子，唔洗落糖已经好够甜。