尚興潮州海鮮飯店 (已結業)

邪恶指数: 🐽🐽🐽好食指数: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️一直好钟意叫𩠌食饭，今次同几位朋友去试呢间潮州菜真系几好食㖞：⭕️ 卤水拼盘：黎打冷点少得佢，卤水汁咸甜适中，鹅片好入味又唔肥，同要特别推介鹅肠，又滑又爽口👍🏻 ⭕️ 蚝仔粥：例牌份量已经好足，清甜饱肚仲好多蚝仔，系啖啖都有，真心足料💁🏻‍♀️加埋胡椒粉仲正😆⭕️ 蚝饼：比较薄身，食落系软熟嘅蛋饼味，唔会重面粉，而且同蚝仔粥一样都有好多蚝，又一推介！⭕️ 卤水鹅红：从来都未食过，鹅红比猪红好似再滑身啲，食落比较淡同微甜。⭕️ 反沙芋：唔多地方可以食到正宗嘅反沙芋，据闻系要不停咁炒到啲糖可以平均咁黐喺芋头表面。虽然我唔钟意食芋头，但系佢热辣辣新鲜整起，又几好食㖞🙆🏻‍♀️ 不得不赞下店员服务，我哋一坐低佢哋已经端上功夫茶，茶味浓同有一股回甘，佢哋针左好多次俾我哋🤣 当我哋食完仲送绿豆爽俾我哋做甜品，呢个好啱夏天饮，清热排毒，旁边仲有罗汉果汁俾你加落去增加甜味，推介大家要落，系真系会好味好多！