Bold Italic (已結業)

从来都无谂过自己会花时间写食评，更何况依家大住个肚，需要更多休息时间。今次应该系我第五、六次去Bold Italic 食午餐，遇上萍水相逢却又十分窝心的侍应， 真系令到我好想写我既第一篇食评。观塘既Lunch Hour有几多人众所周知，通常十二点半开始多人，一点打后就慢慢等位啦。我就十二点开始Lunch Time，通常我十一点九就会打电话去Bold Italic Book位。餐厅系工厦嘅3楼，晏少少去连地下等䢂都要排长龙㗎。 去到餐厅，见到侍应们嘅笑容同好亲切咁打招呼，已经十分满意。可能因为之前我都曾经要求过要一杯热水， 今次侍应们主动递上一杯热水，真的十分窝心，她们记住了我呢位萍水相逢客人嘅需要， 值得赞赏。同埋因为我怀孕中唔食得生冷嘢，我order时都要问好多问题，问清楚食物系热定冷盘、会唔会有未煮熟嘅菜等等， 侍应们都一一解答。原来最近佢哋换咗餐牌，今次我试咗「Dry Aged 熟成牛肉汉堡」，order时侍应已介绍清楚呢个唔系汉堡包，而系汉堡扒。 令我开心嘅系佢哋嘅新餐牌可以选择「五色糙米饭」，因为糙米饭糖分比白饭少，亦更健康。 今次嘅餐汤系粟米汤，而旁边块蒜蓉包一如以往地脆口