Zappy (已結業)

难得同朋友去铜锣湾相聚，虽然呢度有好多餐厅可以选择，但想揾个清净啲既地方倾计，的确唔容易。咁啱有缘地就揾到Zappy呢间楼上小店，一出䢂就感受到佢远离尘嚣个种感觉。店面虽然唔大，但配合柔和音乐同灯光，环境几舒服。每张枱之间都预留适当空间，俾客人有翻各自私人空间，非常细心。当日可能weekday，人客亦唔算多，只见老板娘一脚踢。介绍menu落单上面菜执野，老板娘全程态度超好，我地亦都好满意佢介绍既招牌菜。第一次试无花果橙柳合桃沙律呢个配搭，感觉好清新，所有食材亦配搭得宜。白酒忌廉汁煮青口非常出色，青口鲜嫩可口，而黑松露薯条外脆内软又唔油腻。饭后甜品最后order左由一开始已经好想试既peach sorbet，而呢度甜品都无令我地失望🤩 由摆盘已经睇得出厨师好有心思，而佢既味道亦无可挑剔，食得出真材实料，完全自家制。