麵家山下 (已搬遷) 新店位置

当拉面风吹遍香港，随街顺手拿来都系拉面店，但系作为一个新界人，想食一碗好既拉面并唔算太多选择。联和墟既爵士拉面相信大家都耳熟能详，好并唔系唔好，只系食左咁多年都系得一家，确实需要一新口味！其实都算专程去试，不过系抱住随缘既心态。临收舖前半小时去到，为免阻住店家收舖，点完就快快上二楼雅座等食！两个人一人嗌左一碗拉面，我就味噌，汤底好浓，好香，少少咸同少少油腻。男朋友要盐拉面，都好正，不过详细味道要问佢喇。不得不提叉烧真系good，每片都好薄好入味！到个鸡软骨，都好味，不过酱汁偏少。至于杯乳酸。。。呀。。。确实唔太对口味。