影片
更多
2019-03-15
236 浏览
得知长发将会开萨莉亚个阵，自己一直都非常期待，中学补完习成日都会去萨莉亚食饭。钟意萨莉亚唔单止系童年回忆，仲因为佢经济实惠，性价比高。由于系夜晚9点几到餐厅，已经过咗晚餐高峰时段，所以唔使等位就可以即时入座。呢间座位都算阔落，一直都觉得萨莉亚啲位几好，唔会好逼。今次一共叫咗五碟𩠌，食完两个人都好饱肚好满足～烟肉菠萝薄饼$29薄饼已经约略界开做四块，厚度适中，有微微芝士拉丝效果，薄饼热辣辣够香软。菠萝酸酸甜甜，可解一解腻。批边唔算烤得太㶶，香脆略硬。芝士焗薯角$17萨莉亚必点之选，呢款已经食过好多次。同以往味道差不多，芝士依然好香浓，亦有拉丝效果。薯角如果可以更香脆会更加分，最钟意将薯角加上烟肉同好多好多芝士一齐食。辣味鸡翼(4只)$17鸡翼好香口惹味，辣度刚刚好，令人过瘾之余又未至于辣到喷火。趁热食风味更佳。欧陆风烤焗香肠(2条)$19第一次尝试呢款，一碟有香肠同薯角。香肠都几长下，大概有一只手掌长。由于佢系铁板，食个阵记住要吹凉啲，香肠嘅热油好易渌亲嘴。香肠几香脆，口感扎实，但有点太油。菠菜配烟三文鱼忌廉意大利粉$32因为揾唔返以前最爱嘅青酱烟肉意粉，唯有食呢款将就下。菠菜煮得太稔，
中学补完习成日都会去萨莉亚食饭。
钟意萨莉亚唔单止系童年回忆，仲因为佢经济实惠，性价比高。
由于系夜晚9点几到餐厅，
已经过咗晚餐高峰时段，所以唔使等位就可以即时入座。
呢间座位都算阔落，一直都觉得萨莉亚啲位几好，唔会好逼。
今次一共叫咗五碟𩠌，食完两个人都好饱肚好满足～
烟肉菠萝薄饼$29
薄饼已经约略界开做四块，
厚度适中，有微微芝士拉丝效果，薄饼热辣辣够香软。
菠萝酸酸甜甜，可解一解腻。
批边唔算烤得太㶶，香脆略硬。
芝士焗薯角$17
萨莉亚必点之选，呢款已经食过好多次。
同以往味道差不多，芝士依然好香浓，亦有拉丝效果。
薯角如果可以更香脆会更加分，
最钟意将薯角加上烟肉同好多好多芝士一齐食。
辣味鸡翼(4只)$17
鸡翼好香口惹味，
辣度刚刚好，令人过瘾之余又未至于辣到喷火。
趁热食风味更佳。
欧陆风烤焗香肠(2条)$19
第一次尝试呢款，一碟有香肠同薯角。
香肠都几长下，大概有一只手掌长。
由于佢系铁板，食个阵记住要吹凉啲，香肠嘅热油好易渌亲嘴。
香肠几香脆，口感扎实，但有点太油。
菠菜配烟三文鱼忌廉意大利粉$32
因为揾唔返以前最爱嘅青酱烟肉意粉，唯有食呢款将就下。
菠菜煮得太稔，口感会差少少。
单食烟三文鱼会偏咸，配返意粉食可以中和返味道。
整体而言，食物质素同以往无太大分别，都仲系几抵食。
有机会一定会再帮衬。
题外话/补充资料：
以前帮衬其他萨莉亚已经发现有共同卫生问题，通常啲杯唔够干净，会有油渍浮面。
而呢间当然都唔例外，餐具干净程度印象中都系一般，希望卫生方面可以做返好啲。
(以上食记乃用户个人意见 , 并不代表OpenRice之观点。)
张贴
