四眼仔腸粉

营业中

休息中

话说当日外访粉岭做运动，运动过后，梗系要补充补充啦，朋友讲呢度有间好出名既肠粉，咁就Let's go 啦，朋友揾好位泊好车后，一落车就已经见到条龙仔， 排前些少就会见到佢个大餐牌，难怪咁受街坊欢迎，简直时光倒流，抗通胀益街坊， 咩野都系$3起，除指定招牌肠粉外，选择亦只有眼前5款𩠌简，开放式既厨房，眼见姐姐熟手既技巧，半分钟唔洗完成点菜，整好肠粉𩠌菜就一碟，厉害！ 排到我时叫左$3肠粉、鱼蛋、烧卖、猪皮！先$12蚊，拎黎医一医肚确唔错！买好后系街边揾个位食 打开包装，$12系真系好平，有7粒鱼蛋，4粒烧卖，猪皮就4块，同两条肠粉；鱼蛋就系用上小贩只陈皮鱼蛋（最爱食）一口一粒，咬落厚实既感觉由细到大食果啲无唔同（如果加啲咖喱汁仲正），而鱼肉烧卖硬硬地唔够热，猪皮就白灼即无味，无咩特别，主要味道就要靠混酱捞埋先好食，仲有肠粉唔系话好滑，粉皮较厚。但以呢个价钱食到确系难能可贵。