四眼仔腸粉

营业中

休息中

話說當日外訪粉嶺做運動，運動過後，梗係要補充補充啦，朋友講呢度有間好出名既腸粉，咁就Let's go 啦，朋友搵好位泊好車後，一落車就已經見到條龍仔， 排前些少就會見到佢個大餐牌，難怪咁受街坊歡迎，簡直時光倒流，抗通脹益街坊， 咩野都係$3起，除指定招牌腸粉外，選擇亦只有眼前5款餸簡，開放式既廚房，眼見姐姐熟手既技巧，半分鐘唔洗完成點菜，整好腸粉餸菜就一碟，厲害！ 排到我時叫左$3腸粉、魚蛋、燒賣、豬皮！先$12蚊，拎黎醫一醫肚確唔錯！買好後係街邊搵個位食 打開包裝，$12係真係好平，有7粒魚蛋，4粒燒賣，豬皮就4塊，同兩條腸粉；魚蛋就係用上小販隻陳皮魚蛋（最愛食）一口一粒，咬落厚實既感覺由細到大食果啲無唔同（如果加啲咖喱汁仲正），而魚肉燒賣硬硬地唔夠熱，豬皮就白灼即無味，無咩特別，主要味道就要靠混醬撈埋先好食，仲有腸粉唔係話好滑，粉皮較厚。但以呢個價錢食到確係難能可貴。