影片
更多
2017-06-25
62 浏览
前几晚同男朋友收工之后，喺观塘附近食饭，见到呢间新开嘅日本嘢价钱唔贵，就入去试下。舖头唔大，人客唔多， 我哋都系抱住一试嘅心态入去，男朋友叫咗牛肉亲子丼，我叫咗叉烧拉面配地狱汤底。唔明点解叫亲子，因为佢其实只系一个滑蛋牛肉饭，但系饭上面嘅滑蛋好厚好滑，好香蛋味，唔会煮到过熟，啲蛋滑捋捋之余，仲有啲蛋汁包住啲饭， 好欣赏佢嘅饭真系用珍珠米去煮，我食唔出系日本珍珠米定台湾珍珠米，但好肯定唔系俾普通饭。至于牛肉既质素同吉x家日式快餐店好相似，不过牛肉汁嘅质素比较高，牛肉味都几浓。呢个饭40几蚊算几抵，净系上面厚厚嘅滑蛋都已经值回票价。至于叉烧汤面，我最欣赏系佢嘅地狱汤底，因为碗拉面一摆上枱，已经好大阵辣味攻入我的鼻。 一路食真系一路流汗，因为坊间好多日本拉面嘅所谓地狱汤底，完全唔辣，净系得个颜色，但系呢间嘅辣味真系交足货。讲真呢度五十几蚊嘅拉面，质素当然唔可以同出面百几蚊嘅拉面相提并论，但系至少佢嘅面质都唔错，好弹牙又索汤，只系叉烧比较一般。其实我哋仲叫咗焦糖布甸芭菲，呢个真系好好食， 讲真，其实佢嘅材料其实都只系入货买返嚟，净系得个焦糖布甸系自己整，但系佢嘅水果 几甜，每一层嘅用料配搭份量
舖头唔大，人客唔多， 我哋都系抱住一试嘅心态入去，男朋友叫咗牛肉亲子丼，我叫咗叉烧拉面配地狱汤底。
唔明点解叫亲子，因为佢其实只系一个滑蛋牛肉饭，但系饭上面嘅滑蛋好厚好滑，好香蛋味，唔会煮到过熟，啲蛋滑捋捋之余，仲有啲蛋汁包住啲饭， 好欣赏佢嘅饭真系用珍珠米去煮，我食唔出系日本珍珠米定台湾珍珠米，但好肯定唔系俾普通饭。
至于牛肉既质素同吉x家日式快餐店好相似，不过牛肉汁嘅质素比较高，牛肉味都几浓。
呢个饭40几蚊算几抵，净系上面厚厚嘅滑蛋都已经值回票价。
至于叉烧汤面，我最欣赏系佢嘅地狱汤底，因为碗拉面一摆上枱，已经好大阵辣味攻入我的鼻。 一路食真系一路流汗，因为坊间好多日本拉面嘅所谓地狱汤底，完全唔辣，净系得个颜色，但系呢间嘅辣味真系交足货。
讲真呢度五十几蚊嘅拉面，质素当然唔可以同出面百几蚊嘅拉面相提并论，但系至少佢嘅面质都唔错，好弹牙又索汤，只系叉烧比较一般。
其实我哋仲叫咗焦糖布甸芭菲，呢个真系好好食， 讲真，其实佢嘅材料其实都只系入货买返嚟，净系得个焦糖布甸系自己整，但系佢嘅水果 几甜，每一层嘅用料配搭份量都唔错，唔会有好漏好滞嘅感觉，焦糖布甸整得好滑，好香鸡蛋味，布甸上面仲有焦糖马卡龙，40几蚊一份，性价比算高。甜品令人喜出望外。
呢度好搞笑，周围都写住不设加一服务费，但佢又唔会零服务，店员都几nice，我见到有人净系入嚟叫甜品食，但系店员都唔会特别黑口黑面，任佢哋坐。
最后埋单每人都唔驶100，其实真系好抵。
张贴
