大快活

营业中

休息中

lunch唔想出去同人逼，又或者等位等到得10分钟食饭，又或者叫外卖等半日结果嚟到唔系落错单就系漏单，外卖自取都系唔错嘅选择。连锁快餐店总有一间系左近，而且食物质素未必唔好，而家外卖自取有九折，味道都唔差，CP值都几高，仲可以拣白饭、红米饭同榄油意粉，多饭少饭随便拣，唔会加钱。饮品除咗有奶茶咖啡华田好立克，仲有低糖冻绿茶。好似呢个香煎莲藕肉饼饭咁，肉饼份量都ok，煎到好香口，食落爽口入味，值得一提系有小小咸酸菜点缀下，好好味。网上落单，行到去就有得攞，唔使等，每个星期菜式都有唔同。