莉苑 (德輔道西) (已結業)

呢间嘢真系平靓正，佢啲嘢真系大大份好似唔驶钱咁。最重要系佢以一个咁平嘅价钱，做出嚟嘅食物都唔差。佢系平民美食界嘅天使💪🏻前几日同朋友嚟食，特登带我嚟食一间佢话历史悠久嘅西环美食，我朋友今年都30岁，佢话由细食到大，我估佢都起码有30年历史。佢个环境好一般，就系好耐年前普普通通嘅平民上海餐厅。我叫咗一份碗仔翅同埋两份锅贴同我朋友share，锅贴皮厚度适中，唔太薄亦都唔太厚，包着猪肉嘅肉汁，味道鲜甜，佢嘅猪肉馅好多，真系不计成本。另外佢嘅碗仔翅都好出色，可能喺香港已经好难揾到好食嘅碗仔翅。佢有好多肉丝木耳同豆腐碎，食落去口感好丰富，好多料，真系值得一试。