CHI Tachinomi (7號碼頭)

营业中

休息中

中环码头搭天星小轮过尖沙咀，喺码头前面见到依间新开嘅日式居酒屋。Chi Tachinomi 重点食物有鳗鱼饭、土手烧（牛根煮）、串烧同少量酒精饮品。Tachinomi日语：立ち饮み，顾名思义系一个提供立饮嘅居酒屋。不过立饮立食嘅文化，喺香港始终未系咁普及，所以Chi Tachinomi 都有提供座位俾一众食客，等大家可以坐住咁饮饮食食，同朋友风花雪月。Chi Tachinomi 最人气食品可以话系鳗鱼饭同土手烧饭。店舖所用嘅系日本米，日本米饭最迷人的地方就是黏性重、味道甜。鳗鱼用秘制鳗鱼汁烧好，外面脆、里面嫩滑软熟，唔会比一啲过江龙鳗鱼饭专门店差。唔食鳗鱼嘅可以拣土手烧饭。筋连腩、腩又连返筋，非常之正，再加埋个牛肉汁捞饭，可谓一绝。Chi Tachinomi提供串烧都有唔少选择，我就食咗美国牛肉粒串烧同埋新推出嘅明太子鸡翼。串烧烧得好好，火喉控制有功，唔会烧到柴哂哂，牛肉粒同明太子鸡翼入口juice嫩滑。值得一提嘅系Chi Tachinomi好细心，虽然佢哋提供嘅全部都系冻饮，但见到女性客人叫乌龙茶都会问下使唔使整热杯茶。非常之贴心嘅服务态度。