影片
更多
2024-09-04
1003 浏览
呢日放假又同老婆大人去食佢最钟意嘅日本拉面！因为佢收到风拉面店嘅得奖冠军大师嚟咗香港，仲出咗两款佢心心眼嘅新口味拉面，正所谓happy wife happy life我当然举脚赞成去食啦。立体派个门口喺威灵顿街元益大厦，去到大厦路口要行落地库先见到，如果大家想去食呢个位要留意吓如果唔系好易错失个入口㗎。好钟意餐厅会俾埋即弃围裙！我钟意著白色衫但系食嘢又劲论尽，呢件围裙简直系不可多得之物。食拉面配可乐真系冇得输！老婆大人而家唔钟意饮甜嘢，所以就叫咗支玄米茶，咸鱼白菜各有所爱。净系食碗拉面惊唔够饱我哋仲叫咗啲小食！呢个系日式煎饺子个底煎得几香脆入面有汁唔会干柴，点埋个有少少辣嘅饺子汁几好味㗎。老婆大人知我钟意食香口嘢！所以叫咗明太子鸡翼俾我食。鸡翼够香脆唔会油淋淋上面加咗明太子，咸香嘅味道多咗啲特色唔会净系炸鸡咁闷蛋。呢位就系日本飞嚟香港嘅冠军拉面大师林隆臣！佢喺度整紧两款新嘅拉面俾我哋，我梗系唔蚀底帮佢影返几张沙龙啦，全程睇住佢点整呢两碗拉面真系好细致，边睇边流口水个肚仲开始怪叫添。搞掂食碗面返埋位慢慢叹。呢碗就系老婆大人最想食嘅贝盐柠檬冷面！拉面有劲多新鲜柠檬片除咗睇落好靓之外应该会带
立体派个门口喺威灵顿街元益大厦，去到大厦路口要行落地库先见到，如果大家想去食呢个位要留意吓如果唔系好易错失个入口㗎。
好钟意餐厅会俾埋即弃围裙！我钟意著白色衫但系食嘢又劲论尽，呢件围裙简直系不可多得之物。
食拉面配可乐真系冇得输！老婆大人而家唔钟意饮甜嘢，所以就叫咗支玄米茶，咸鱼白菜各有所爱。
净系食碗拉面惊唔够饱我哋仲叫咗啲小食！呢个系日式煎饺子个底煎得几香脆入面有汁唔会干柴，点埋个有少少辣嘅饺子汁几好味㗎。
老婆大人知我钟意食香口嘢！所以叫咗明太子鸡翼俾我食。
鸡翼够香脆唔会油淋淋上面加咗明太子，咸香嘅味道多咗啲特色唔会净系炸鸡咁闷蛋。
呢位就系日本飞嚟香港嘅冠军拉面大师林隆臣！佢喺度整紧两款新嘅拉面俾我哋，我梗系唔蚀底帮佢影返几张沙龙啦，全程睇住佢点整呢两碗拉面真系好细致，边睇边流口水个肚仲开始怪叫添。
搞掂食碗面返埋位慢慢叹。
呢碗就系老婆大人最想食嘅贝盐柠檬冷面！拉面有劲多新鲜柠檬片除咗睇落好靓之外应该会带出好清新嘅味道。
未捞匀啲𩠌之前梗系要饮啖汤先啦！饮落去有啲蚬嘅鲜味加埋柠檬嘅酸香真系好清新，将啲炸洋葱同埋大根蓉捞匀嚟食就多咗啲甘香甜味，拉面入面仲有半熟北海道十胜豚肉叉烧，整得又软又嫩食得好舒服，最惊喜系个拉面口感好弹牙成碗面食得好开心。
然后呢碗色彩好缤纷嘅系温泉蛋番茄酱油拉面！呢碗面好多配料好似有粟米芯、芦笋、温泉蛋、北海道十胜豚肉叉烧同埋16个月风干西班牙生火腿，日本拉面配西班牙火腿又几有特色㖞！食落去咸咸香香咁好惹味。
拉面除咗有黑胡椒、罗勒碎同埋意蕃茜调味之外仲会跟一碟三色酱！入面有芝士酱、辣酱同埋麻辣酱，两个辣酱就交俾老婆大人发落，我就试咗个芝士酱加埋咁鬼浓郁嘅番茄汤个味好夹几唔错呀。
钟意食蛋嘅我就觉得呢只糖心温泉蛋有画龙点睛嘅效果！令到拉面食落口特别香滑仲要多咗啲蛋香，如果钟意食番茄汤呢碗嘅味道绝对系吸引，呢两款拉面而家每日下昼两点后就有得食㗎啦。
张贴
