立鮨 (安富大廈) (已結業)

荃湾新分店大约有20个座位，由于呢到唔系立食，所以返枱速度较慢，lunch time最少要等25分钟。特选三文鱼盛合，当中有三文鱼寿司、三文鱼腩寿司、火炙三文鱼寿司、三文鱼小卷、辣三文鱼军舰，仲包蟹籽沙律及鲜虾味噌汤。寿司即叫即握，寿司饭选用成本较高嘅赤醋，不会太大旧，鱼生长长拖地，完全包著旧饭。三文鱼🍣肉质鲜甜味美，鱼脂味浓郁，三文鱼腩更系肥美，入口即溶。辣三文鱼军舰辣度十足，另有一番风味。迷你大满足海胆特盛确实系必食之选，非常澎湃满满嘅海胆，甘黄色又新鲜，入口即化又甘香。北海道带子寿司鲜甜爽口，好有惊喜。鳗鱼手卷做成长方型，别树一格，但略嫌紫菜多过饭，太抢味。立食系日本一大特色，立鮨大胆引进嚟香港，但荃湾新店就无咗呢个特色！而味道与日本相比还差好远，至于收费就系市场价，不平不贵。