影片
更多
2021-12-15
255 浏览
立食文化响日本其实系非常普遍，好多时响JR车站附近总会见到间立食店 (饭类﹑面类都有)，目标就系俾打工仔可以响早餐﹑午餐或者晚餐都可以响厨师最快速度烹调﹑并以最快速度享用美味既菜式。立鮨响立食寿司当中都算系好早期发起呢个文化既餐厅，到今时今日响繁忙时间仍然会有捧场客需要排队等候。不过今日平日时间而小编与老公早到下，就可以即时进入。店内其实立食既位置唔会太多，但重点都系用餐范围会围绕住正在努力制作寿司既师傅；而立食其中既特色，就系如果师傅响空闲期间既话都会捉你倾下计﹑吹下水，务求响等候用餐期间令你分散下注意力，从而令你只脚无咁攰。响电话落单既方式下，小编最被吸引既，就系佢既大满足海胆特盛 (迷你)，难得见到海胆既份量比例咁高既情况下，点都会想试下先。而小编其后与老公都点了特选三文鱼盛合﹑以及严选火灸盛合：大满足海胆特盛 (迷你) ($99)：话明大满足而特盛既海胆，原因就系佢用上大约5份既海胆份量，配以迷你尺寸既碗仔去放入已腌制既寿司饭，令你食个阵口腔内基本上都被海胆味所包围。海胆非常新鲜，既唔觉有出水，而唔会有腥味，同时又唔会因为惊保质问题而过份雪藏既雪气，所以真系令小编与老公既味觉得
立鮨响立食寿司当中都算系好早期发起呢个文化既餐厅，到今时今日响繁忙时间仍然会有捧场客需要排队等候。不过今日平日时间而小编与老公早到下，就可以即时进入。
店内其实立食既位置唔会太多，但重点都系用餐范围会围绕住正在努力制作寿司既师傅；而立食其中既特色，就系如果师傅响空闲期间既话都会捉你倾下计﹑吹下水，务求响等候用餐期间令你分散下注意力，从而令你只脚无咁攰。
响电话落单既方式下，小编最被吸引既，就系佢既大满足海胆特盛 (迷你)，难得见到海胆既份量比例咁高既情况下，点都会想试下先。而小编其后与老公都点了特选三文鱼盛合﹑以及严选火灸盛合：
大满足海胆特盛 (迷你) ($99)：话明大满足而特盛既海胆，原因就系佢用上大约5份既海胆份量，配以迷你尺寸既碗仔去放入已腌制既寿司饭，令你食个阵口腔内基本上都被海胆味所包围。海胆非常新鲜，既唔觉有出水，而唔会有腥味，同时又唔会因为惊保质问题而过份雪藏既雪气，所以真系令小编与老公既味觉得到大满足。
厨师将两款盛合合并上枱，不过都好在可以响前面及后面分辨到不同既盛合去作出介绍吧。
特选三文鱼盛合 ($60)：三文鱼寿司﹑三文鱼腩寿司﹑火灸三文鱼寿司﹑三文鱼小卷﹑辣三文鱼军舰
虽然唔可以话三文鱼系以厚切方式去制作，不过肉质上都唔错而唔会切到散开 - 尤其鱼腩位置油脂味都唔少，对小编老公比较喜欢鱼油味既会特别喜爱。特别要提及辣三文鱼军舰当中既三文鱼应该浸于辣既食材一段时间，所以辣度非常足够，如果比较怕辣既女仕就要小心了。
严选火灸盛合 ($112)：火灸三文鱼寿司﹑火灸北海道带子寿司﹑火灸左口鱼边寿司﹑火灸中吞拿鱼腩寿司﹑火灸松叶蟹脚寿司
几款火灸寿司都偏向烧得彻底既，味道上会比新鲜食材既感觉会无咁有本身食材既香味，但总体黎讲都唔错，尤其中吞拿鱼寿司食落去都算有即溶鱼油脂既感觉。总体黎讲，整餐晚饭既价钱同平时响出面回转寿司店差唔多，所以就好视乎你希望立食而令你进食既速度加快，还是坐低慢慢食但食物质素上会有限制吧。
张贴
