御品軒 (已結業)

睇到之前食友嘅食评，有少少动摇小弟试菜嘅信心。但无论如何，一件崩沙腩及一碗双皮奶足可令我放胆一试...跟太太去到，人山人海。小店好明显有摆过心思落去装修...餐牌都唔使望，崩沙腩鱼饺面加双皮奶...鱼饺皮相当烟韧，猪肉馅食落几实净，唔系"散修修"；崩沙腩炆得软糯，横隔膜部份够"胶口"，食落亦有质感..最大败笔系用上普通车仔油面而唔系用银丝细面，当堂扣分..双皮奶食落有浓浓奶味(虽然唔多肯定系唔系水牛乳)，并不太杰，表面亦有薄薄两层奶皮，做得不错...比义顺好吃得多...可以encore...