佳記甜品

营业中

休息中

一场嚟到元朗梗系要帮衬一下呢间元朗名物，虽然佢系一间糖水舖，但系叫咗咁多样嘢食之中最好食嘅竟然系肠粉。西瓜凉粉同海底椰凉粉嘅凉粉比出面其他甜品舖食到嘅大粒啲，咬落去爽啲，不过似乎海底椰系比较衬凉粉，西瓜都系唔系咁衬，冇落到花奶，只系小小甜，可以话系相对健康啲嘅甜品。蜜瓜沙冰比想像中理想，其实开头想叫奇异果沙冰，因为谂住唔想咁甜，奇异果通常酸酸地，点知佢冇晒奇异果， 拣无可拣之下就拣咗蜜瓜，沙冰入边真系有几粒蜜瓜球，而且唔会系药水味，所以几好。冰丸杏仁豆腐系咁多样之中最难食嘅，首先冰丸原来就系雪糕糯米糍，放落杏仁豆腐都系有少少奇怪嘅，不过最重要系佢嘅杏仁豆腐唔好食，实滴滴，似布甸多过似杏仁豆腐，完全唔掂。