品味餐廳

营业中

休息中

一向经过都冇念过帮衬，因为睇落价钱偏贵，门面又唔多讨好，事源今日行左好耐，个人突然好想食豆腐，经过见到佢有罗汉斋豆腐，心大心细，小菜都要69，心念即管试一次啦，6点几时间，都见几多人食同买外卖，唔通真系好食？重点见到有咕噜班腩，好似好开胃咁wor,咁就叫左罗汉斋豆腐同咕噜班腩，一热一冻饮，仲送油菜，2碗白饭同例汤，不过冇要例汤，怕太味精，外卖每个减3蚊，总数埋单136。都等左约15分钟，返到家一打开，卖相都唔错，咕噜班腩都好多旧，酸味合适，罗汉斋都足料，味道刚好，唔咸又唔杰，油菜就正常，2样份量都足，冇念过都唔错，都会下次再买。