影片
更多
2022-04-30
660 浏览
我好少写食评，但系今次都真系唔写条气唔顺。今日喺附近食完晏，想买杯台式饮品做甜品。中环街市内选择颇多，最后拣咗呢一间。我行过去同收银员讲：「要一份白珍珠乌龙奶茶及鲔鱼玉米卷。」佢即时反应系先叹一声长气，再黑住面咁讲（系，戴住口罩都见到佢黑面）：「你下次讲咗要咩嘢食，先好叫嘢饮啦。」（按：我估因为食物同饮品可以当一个餐咁叫，但系因为我唔跟「规矩」，打乱佢入电脑嘅顺序，所以嬲嬲猪🙄）我当堂呆咗，因为我系攞住张双面外卖餐单黎叫，餐单上亦都冇写明需要顾客叫咗嘢食先，再叫嘢饮。当下感觉非常不良好，点解呢个服务员嘅态度可以咁差！不过我冇即刻反驳佢（虽然而家谂返都有少少不忿），之后等候期间，发现佢连张单都出错。我明明系要白珍珠，佢就出咗黑珍珠。我再走过去提醒佢，佢当时喺度同其他职员嘻嘻哈哈，对落错单一点都不在乎，连基本礼貌都冇。如果呢间店主睇到呢个post，请你重新检视你旗下嘅店员工作态度及表现！疫情期间，真系唔需要去帮衬呢种贴钱买难受嘅舖头！
今日喺附近食完晏，想买杯台式饮品做甜品。中环街市内选择颇多，最后拣咗呢一间。
我行过去同收银员讲：「要一份白珍珠乌龙奶茶及鲔鱼玉米卷。」佢即时反应系先叹一声长气，再黑住面咁讲（系，戴住口罩都见到佢黑面）：「你下次讲咗要咩嘢食，先好叫嘢饮啦。」（按：我估因为食物同饮品可以当一个餐咁叫，但系因为我唔跟「规矩」，打乱佢入电脑嘅顺序，所以嬲嬲猪🙄）
我当堂呆咗，因为我系攞住张双面外卖餐单黎叫，餐单上亦都冇写明需要顾客叫咗嘢食先，再叫嘢饮。当下感觉非常不良好，点解呢个服务员嘅态度可以咁差！
不过我冇即刻反驳佢（虽然而家谂返都有少少不忿），之后等候期间，发现佢连张单都出错。我明明系要白珍珠，佢就出咗黑珍珠。我再走过去提醒佢，佢当时喺度同其他职员嘻嘻哈哈，对落错单一点都不在乎，连基本礼貌都冇。
如果呢间店主睇到呢个post，请你重新检视你旗下嘅店员工作态度及表现！疫情期间，真系唔需要去帮衬呢种贴钱买难受嘅舖头！
张贴