3鬚料理

营业中

休息中

喺各国料理中成日做配角嘅𓄼章鱼、墨鱼、鱿鱼𓄹终于有机会踏上舞台做主角喇！经过 𓄢三须料理𓎤 精心烹制，三位主角都发挥得淋漓尽致，餐厅位于尖沙咀旺中带静嘅地区，好特别地以三须做主题研发左各款菜式，章鱼、墨鱼、鱿鱼爱好者嚟呢度一定会好满足✦怀旧电影院烤鱿鱼鱿鱼干扫上烧汁，烘烤后散发出独特香味，点上𝙬𝙖𝙨𝙖𝙗𝙞 更加惹味，佐酒一流✦卤水凉拌花枝橘子芝士沙律卤水凉拌花枝好有平时去潮式店食到嘅感觉，花枝厚肉弹牙带淡淡卤水味，估唔到同西式沙律嘅芝士同意大利香醋都几夹，𝙨𝙖𝙡𝙖𝙙 𝙙𝙧𝙚𝙨𝙨𝙞𝙣𝙜 嘅酸度较高同重果香，好开胃✦老火忌廉汤 𓄢粉葛莲藕章鱼汤中式老火汤常用嘅食材以西式烹调方法呈现，将粉葛莲藕章鱼打碎做成浓稠感较高嘅西式汤品，再以忌廉增加顺滑口感，味道比中式汤饮到嘅更鲜味浓郁✦海王三须扒三须扒系呢度嘅𝙨𝙞𝙜𝙣𝙖𝙩𝙪𝙧𝙚，可以一次过食晒章鱼、墨鱼、鱿鱼 ，首先系原条慢煮八爪鱼须，肉厚弹牙，调味带西班牙式风味，而另一边嘅日本鱿鱼筒以日式酱油为调味，中间仲酿入新鲜每日由店家自己打嘅墨鱼滑，一次过满足晒三个愿望✦三须墨汁扁意粉以带子配上墨汁扁意粉，带子好鲜甜厚肉，上面有淡黄色好似鱼籽嘅粒粒，细问之