影片
更多
2017-12-15
51 浏览
今日出旺角买完野，同朋友出左女人街揾食。女人街两边都系餐厅，选择多到数不清。行行下见到其中一间有小小人龙，所以吸引左我地𥄫下....... 哗 ！入面有火焰铁板牛排餐呀！望下个价钱，都几实惠，一于跟队.......排左大约五至十分钟就入到，有一排卡位已 full 左， 所以侍应安排左我哋坐一张两人枱。餐厅面积唔太大，都系一贯通菜街入边小餐室嘅size。但系佢嘅装修好有心思，系模仿以前冰室嘅设计。墙上面有好多怀旧嘅装饰，而枱面亦都系用唔同花纹嘅瓷砖切成。灯光昏暗好有情调，其实都几好坐，同外面热闹嘅女人街形成强烈嘅对比。睇返餐牌都好多选择，一心谂住食铁板，发现原来仲有其他好野。登、登、登、凳 ！就系呢个澳洲和牛火山石烧啦火山石烧嘅配料有粟米西兰花金菇同埋冬菇等等 。火山石烧其实系用一个炉热住个石头锅，然后加啲配料系上面烧。每个餐仲会配餐汤同蒜蓉包，我哋拣咗罗宋汤。饮落都几清甜又略带少少酸味，即刻好开胃。但系蒜蓉包就略嫌硬左D唔够脆喇。一饮完汤话咁快石烧就上枱了，开火无耐已经听到滋滋声, 仲有好香粟米味。澳洲和牛红白分明，卖相非常讨好。澳洲和牛M7 180g $238套餐仲配生菜包同白
哗 ！入面有火焰铁板牛排餐呀！望下个价钱，都几实惠，一于跟队.......
排左大约五至十分钟就入到，有一排卡位已 full 左， 所以侍应安排左我哋坐一张两人枱。
餐厅面积唔太大，都系一贯通菜街入边小餐室嘅size。
但系佢嘅装修好有心思，系模仿以前冰室嘅设计。墙上面有好多怀旧嘅装饰，而枱面亦都系用唔同花纹嘅瓷砖切成。灯光昏暗好有情调，其实都几好坐，同外面热闹嘅女人街形成强烈嘅对比。
睇返餐牌都好多选择，一心谂住食铁板，发现原来仲有其他好野。
登、登、登、凳 ！就系呢个澳洲和牛火山石烧啦
火山石烧嘅配料有粟米西兰花金菇同埋冬菇等等 。火山石烧其实系用一个炉热住个石头锅，然后加啲配料系上面烧。
每个餐仲会配餐汤同蒜蓉包，我哋拣咗罗宋汤。饮落都几清甜又略带少少酸味，即刻好开胃。但系蒜蓉包就略嫌硬左D唔够脆喇。
罗宋汤 蒜蓉包
6 浏览
0 赞好
0 留言
一饮完汤话咁快石烧就上枱了，开火无耐已经听到滋滋声, 仲有好香粟米味。
澳洲和牛M7 180g $238
4 浏览
0 赞好
0 留言
澳洲和牛红白分明，卖相非常讨好。
澳洲和牛M7 180g $238
澳洲和牛M7 180g $238
4 浏览
0 赞好
0 留言
套餐仲配生菜包同白饭
牛肉放入烧热左嘅石头上面，好快就可以高温加热，即刻闻到好香嘅牛肉味
仲有萝卜蓉干蒜头同埋一个酱汁可以点，食咗第一块之后，觉得好似争D野，系岩盐呀！
冇岩盐，我哋就用咗普通嘅餐桌盐调味，第一啖食落去感觉已经唔同晒。牛肉嘅鲜味即刻提升咗，靓牛肉净系用盐配都已经好好味。
又可以包生菜食减低油腻感。话咁快成碟牛就俾我哋扫晒。
澳洲和牛M7 180g $238
11 浏览
0 赞好
0 留言
期间侍应好细心又换石锅又加油， 服务好好，抵赞！但系建议餐厅可以提供埋岩盐做调味就最好啦！
我地仲叫左菠菜茸带子蟹肉天使面 ，呢个配搭相当唔错，色彩缤纷，卖相亦都好吸引。
菠菜茸带子蟹肉天使面 $98
10 浏览
0 赞好
0 留言
带子煎得好香可惜得三粒，另外𠮶天使面入边好多蟹肉，完全唔觉得 dry 。而且个菠菜茸汁调校得啱啱好，天使面好入味，份量又好足，但系食完全碟都唔会有饱滞嘅感觉。整体来讲好有水准＄98连餐系好抵食。
菠菜茸带子蟹肉天使面 $98
4 浏览
0 赞好
0 留言
系个咁怀旧嘅冰室叫梗系要叫返D童年回忆啦⋯⋯
我哋叫咗黑牛同埋咸柠七，黑牛真系好多年都冇饮了。如果唔系呢个环境我都唔会谂起要饮佢。
侍应首先送上一个浓浓朱古力雪糕球加冰底，然后喺你面前开一罐可乐慢慢倒落去，突然好有82 lafite 嘅感觉
咸柠七亦是成罐七喜俾晒你，唔会好似其他餐厅咁只上一杯。咸咸酸酸最啱用来清清D肉味，即刻 fresh 左
黑牛 with set +$9 咸柠七 with set + $11
5 浏览
0 赞好
0 留言
食到呢度已经觉得好满足，但系见到佢竟然有日本雪葩食，跟餐都系加三十几蚊咋，几饱都要食啦⋯⋯
芒果雪葩好清甜，亦都有好浓既芒果味。佢外表同真正芒果一样，唔留心观察其实唔知佢系雪葩。
质地稠度适中，唔会好似真正芒果的甜腻，好适合做餐后甜点。
日本 lisse 芒果雪葩 with set $32
其实佢有好多唔同味道可以拣，下次我想试蜜桃同埋番薯雪葩。跟餐都系三十几四十咋。
呢间餐厅方便就脚，餐牌应有尽有选择多，价钱又好合理。简简单单食有得，豪食又得。所以呢间餐厅已经铁定入咗我的encore list， 又揾到一个好地方，下次出开旺角一定会再嚟试吓其他菜式。写到呢到，已经心思思想再去食了......
张贴
