影片
更多
2020-03-23
933 浏览
【品香楼中西风味餐厅】『香港篇-深水埗区』大排档黎讲，相信各位识食既炼金术士心里面总有一两间情宜结，同班兄弟姊妹畅所欲言有咩就饮杯先讲。而品香楼亦系我地一间由中学到大食到大既大排档之选。同样地，今日约左中学同学打波，当然要去番旧时既大排档啤啤佢，吹吹水啦!!今次黎讲我地人小小得两个人，所以要食紧系食精选野。大排档真系唔洗谂，肉是必须的，养生既中佬一定系要食菜，再加上品香楼必叫朱古力，最后就试试大排档新宠儿 – 黄金鱼皮啦。肉黎讲，我地就拣左品香楼既招牌菜 – 风沙鸡(半只)。风沙鸡既意思就系炸子鸡再加炸蒜捞埋一齐黎做(唔系濑尿牛丸) 。今铺就真系失望，上台算系几快既，可惜D皮就只有一半系脆既都唔紧要。咁就试D肉啦，估唔到D肉竟然未熟透，咬到去骨位竟然仲有血流出黎。相比以前既质素黎讲真系失望，多人食忙既话都唔怪佢。可惜当日都只有几台客，依然系咁既质素，唔知系咪想赶走D捧场旧客呢。讲下个菜啦，啫啫通菜煲菜反而唔错。一位有特殊问题既员工细心服侍我地，烧红左既镬再加上岩岩炒起既通菜，果然挽回番小小分。不过就略嫌咸左小小，可以接受既，加番D诚意分啦。最后就讲下大排档新宠儿 – 黄金鱼皮，呢道菜都
『香港篇-深水埗区』
大排档黎讲，相信各位识食既炼金术士心里面总有一两间情宜结，同班兄弟姊妹畅所欲言有咩就饮杯先讲。而品香楼亦系我地一间由中学到大食到大既大排档之选。同样地，今日约左中学同学打波，当然要去番旧时既大排档啤啤佢，吹吹水啦!!
今次黎讲我地人小小得两个人，所以要食紧系食精选野。大排档真系唔洗谂，肉是必须的，养生既中佬一定系要食菜，再加上品香楼必叫朱古力，最后就试试大排档新宠儿 – 黄金鱼皮啦。
肉黎讲，我地就拣左品香楼既招牌菜 – 风沙鸡(半只)。风沙鸡既意思就系炸子鸡再加炸蒜捞埋一齐黎做(唔系濑尿牛丸) 。今铺就真系失望，上台算系几快既，可惜D皮就只有一半系脆既都唔紧要。咁就试D肉啦，估唔到D肉竟然未熟透，咬到去骨位竟然仲有血流出黎。相比以前既质素黎讲真系失望，多人食忙既话都唔怪佢。可惜当日都只有几台客，依然系咁既质素，唔知系咪想赶走D捧场旧客呢。
讲下个菜啦，啫啫通菜煲菜反而唔错。一位有特殊问题既员工细心服侍我地，烧红左既镬再加上岩岩炒起既通菜，果然挽回番小小分。不过就略嫌咸左小小，可以接受既，加番D诚意分啦。
最后就讲下大排档新宠儿 – 黄金鱼皮，呢道菜都叫做现时我去大排档必叫既菜式之一。每次食亲都非常期待，十分满足。但系品香楼既呢道菜真系非常令我失望，个鱼皮本身都唔错，都系牛腩粉面质素，脆但系唔热都不是重点。个重点系个黄金酱竟然系另上，连功夫都悭埋。咁我不如去牛腩粉面店嗌个$12鱼皮，加个酱唔系性价比仲高咩?
最后个朱古力就系维持一般质素，如果唔饮得太甜既就唔建议叫杯朱古力啦。
总括以然，大排档黎讲见到愈黎愈多后起之秀而呢间童年回忆既质素就愈黎愈差，感觉真系好可惜。希望将来有机会再黎食既时候会食到从前既惊喜啦。
各位炼金术士有兴趣都可以试下，欢迎PM 交流下。
识食‧你都会系食の炼金术士
朱古力
$23
19 浏览
0 赞好
0 留言
啫啫通菜煲
$75
18 浏览
0 赞好
0 留言
黄金鱼皮
$58
26 浏览
0 赞好
0 留言
风沙鸡 – 半只
$135
20 浏览
0 赞好
0 留言
张贴
