時新漢堡飽 (已結業)

时新简直系我儿时既回忆，虽然依家搬左新地址，但都系在红磡区，咁就脚可以继续帮衬。双层汉堡芝士蛋包($35)，拣左牛肉汉堡配时新酱，汉堡重牛味，而且锁到肉汁在里面，酱汁甜甜地，好夹。吉列牛扒包($28)，外层吉列粉浆好松脆，外脆内软腍。炸薯条($22)，够热辣辣，而且仲系儿时回忆既波浪纹薯条。黑椒鸡脾($27)，先将鸡脾炸过，另外配上黑椒汁，黑椒味浓郁，鸡脾好香脆，而且唔干身，仲有都几大只。菠萝冰($23)，首先够晒冰凉，而且仲有大大粒菠萝肉。冻柠檬利宾纳($23)，味道唔会太甜，同样冰冰凉凉咁，好爽。