Moomin Cafe (已結業)

𠮶日因工作嘅需要，去咗尖沙咀海港城，谂住顺便系𠮶到揾食~~同行嘅朋友就提议去姆明Cafe，我当然乐意奉陪啦!!!!晏昼两点左右去到，门口无人排队，入面都唔系太多客人，所以有一种很悠闲嘅感觉~内部环境都好靓，四围都摆满姆明同姆明朋友嘅装饰同公仔，而坐系我隔离正正就系姆明公仔!!(店员会不定期转换啲公仔嘅位置，所以大家可以安坐位到，等待唔同嘅"公关"黎)午餐嘅餐牌选择唔系太多而呢啲卡通主题嘅餐厅啲野通常都好䏲唔好食 但系我真心觉得呢间啲嘢食OK嘅，比我想像中好味我就嗌咗一个姆明Café拼盘同姆明之家蛋糕share ，不过唔知点解竟然上咗甜品先 lol而呢个甜品，除咗有热香饼配焦糖同香蕉之外，其实仲有焦糖布甸、士多啤梨啫喱同芒果慕丝🍋嫁!!!食完仲可以拎只细细嘅胶制公仔走添～(大家可以找找史历奇）虽然姆明Café啲甜品好靓，但系甜品系不能医肚饿嘅姆明Café拼盘终于都黎喇其实唔系好明点解叫拼盘??因为系香草酱煎龙利柳，再配上由白饭整成嘅姆明同树精图案，不过味道比一般主题café好～我加多30蚊，就系为咗要杯靓靓嘅史历奇绿茶鲜奶咖啡，样系几靓嘅，但系味就好苦涩食完之后就要赶番公司lu~~