豪華餅店 (已結業)

好耐已经冇帮衬过呢一间饼店，因为某一切蛋糕事件令到佢再次红起上嚟，亦都令我再次记得佢嘅存在，佢哋嘅蛋挞系非常出名，你中学嘅时候已经开始帮衬。自己都钟意食邪恶嘅酥皮蛋挞，虽然系重重嘅牛油极度邪恶，但系就钟意食𠮶种酥脆嘅感觉佢哋嘅蛋浆都唔会过甜。将个蛋挞买返屋企再跟一杯热茶食就一流啦，但系热辣辣嘅蛋挞又点可以等到返屋企呢。所以相都影唔切就已经俾我食咗啦。另外一样嘢要推介嘅就系佢哋嘅卷蛋，特别之处呢就系其实𠮶啲卷蛋系有花生味㗎，呢一种口味喺出边都几难食得到，大家除咗食蛋挞之外就不妨试吓啦。其实佢哋嘅蛋糕都好有怀旧嘅味道，味道亦都唔俾出边所谓嘅估早味蛋糕差。