越興園越南菜館 (已搬遷) 新店位置

越兴园，又一间黄嘅老店，以前喺豉油街嘅旧舖留低咗唔少脚毛😆，最钟意食佢哋嘅蒜蓉牛油鸡翼。自从多年前搬咗嚟通菜街之后，就一直都冇再帮衬，始终香港嘅越南餐厅选择越嚟越多，而我又越嚟越贪新厌旧😆。今晚再帮衬，畀我最大嘅感觉系：地方大咗（有两层）企理咗，职员平均后生咗，仲超级有礼貌，讲每句说话都多谢前多谢后，老店嚟讲，非常罕有👍。叫咗碗我至爱嘅生牛河粉配咸柠七，河粉大大碗，粉嘅份量好多，其余嘅配料除咗牛肉外，仲有芽菜，洋葱同葱粒，味道平实稳阵，汤底清甜不腻，啪一啖粉，再呷一口汤，都几滋味😋。