荃豐撈麵 (已結業)

细过最钟意既活动就系黎荃丰玩Card game, 玩到肚饿就会系附近既士多仔买个印尼捞面食，当时好平，讲更好似10蚊已经系大捞（2个面）又无咩特别𩠌加，芝士肠（3条）好似都系5蚊左右，总之好抵，非常之岩学生食，所以真系中学回忆黎。时而世易，重回荃丰，当日的小士多，竟然变左间餐厅？改埋名做荃丰捞面，哇！回忆出晒嚟，好想食返碟，一睇个价格，好似唔系咁抵wor?? 鸡扒捞面（鸡翼、肠仔、牛丸）要HK$48, 不过出于好奇，都决定试下啦！个捞面都系正常味，同以前差唔多，系会好食过我自己整既，我估分别应该系水温既唔同，唔洗好热既水，煮散个面就可以上。但系出事既系全部𩠌，鸡扒一早煎定，好干，无肉汁！牛丸同肠仔都系好差，超干、唔知放左几耐，咁简单既野反而做得咁差，真系好离谱，瑞士汁鸡翼，基本野啦，因为有汁，整返热都唔会干既，所以系唯一无咁差既𩠌！大佬呀，收得依个价，唔该有返d诚意整好味少少啦，服务同态度系可以的，但我谂食净面就可以了，其他𩠌，不了。No next time, 破坏晒童年回忆，要比dislike了。好失望