荔園﹒流金歲月 (已結業)

今日系父亲节，想带两老去一啲特别嘅餐厅。好耐之前已Bookmark左荔园，呢度系好多人嘅童年回忆。 环境实在非常值得一影，船仔同过山车都系重点之一。 荔园动物反斗城  摩天轮上有八只小点心。小龟叉烧餐包、傻猪猪咸水角、鸡仔凤梨酥、天鹅芋角，只只都咁得意。味道就正正常常。炸酱面  好耐无食炸酱面，猪肉系片片肉片，甜辣酸炸酱非常好味，面底本身也不错。 牛坑腩面  牛腩份量都几多，非常腍，非常入味。 净鱼蛋 较实，唔够弹牙。 酥炸明虾角  炸得好香脆，唔油腻，中间嘅虾几弹牙。 福建炒饭  一般酒楼质素，𩠌料够多，味道正常。 野菌红烧豆腐  份量都算多，大大碟，材料丰富。 路边混酱肠  卖相就一流，非常有风味，但呢度嘅肠粉认真麻麻地，一口粉，太腍身。 脆脆红米肠  肠粉都系太腍太粉，中间春卷尚算OK。 干炒牛河  锅仔上，本身都好够镬气，牛肉又够多，调味适中，非常不错。 餐厅以港式点心粉面为主，卖相系吸引嘅。造型上都有心思，味道就有好有唔好，价钱又唔算贵，反正都系相机食先，影相系不错的。