台灣太陽與海珍珠紅茶坊 (已結業)

喺元朗戏院对出附近有一间屹立咗喺元朗好多年嘅台式食品小店，对于好多住喺元朗嘅人嚟讲，应该属于一份童年回忆。喺网上得知咗佢将会转手嘅关系，于是今日搭特登搭车落嚟食。餐牌上主要以一啲炸物， 小食，或者多士为主。饮品嘅选择就有好多，最后试一试佢哋嘅招牌盐酥鸡米线，配上一杯玫瑰珍珠奶茶。其实最后食既都系一份回忆。盐酥鸡嘅炸粉唔厚，好香脆。但系饮品嘅甜度太高，而且珍珠非常之淋冇咬口。以香港咁多出色嘅台式食品店舖嚟讲，佢一定唔系最出色嘅一间，对于一般人嚟讲，只能够用不过不失黎形容。因此如果你想特登嚟都食嘅话，我会推介食佢哋嘅炸豆角，同埋炸鱿鱼须，或者直接点一份炸物拼盘，再配一杯冰冻嘅珍珠奶茶，渡过一个悠闲嘅下午。