百味食品

营业中

休息中

好耐冇食过街边小食，今日晏就去咗旺角行街，心思思想试番细细个成日食嘅味道！相比起西洋菜街𠮶间百味，呢间开喺商场入面，比较卫生。六点几去，人流唔算太多，我叫咗1包原味冷面、海蜇、螺肉、蚬肉同青瓜。每包份量相比起以前少咗，价钱$4/包，一共$20。以前百味姐姐会帮你捞埋，依家变咗要自己去自助区加酱料同蒜蓉捞。虽然佢有张教学说明教你落边种调味料先，但因为份量系自订，冇煮食经验嘅我真系好难决定落几多调味料先够。同埋个袋口太细，有啲难捞，好易整到成手污糟晒。味道同以前食开嘅差唔多，可能系我捞得唔够均匀，最底𠮶啲面比较咸。希望可以变番姐姐帮食客落调味料同捞面啦。