点心代表 (已結業)

哗！竟然系百变小樱啊！童年回忆返晒黎。虽然小姐唔知什么事百变小樱，但系佢见到啲点心咁靓都非常之开心食得好滋味。有好多款特色嘅百变小樱magic咭点心选择，而且每一款都非常之精美，真系好难抉择。我哋样样都叫啲嚟试吓，要映相啊！ 蒸虾肠有晒五个主角，真系好靓，食每一件都咁开心。肠粉好滑，每一件肠粉入边都有一只大虾。粉红色嘅虾饺有樱花喺上边，里面又系有大大只虾肉。 原味炖椰皇，都有樱花喺面，外型做得好靓，椰皇炖蛋白又香又甜。炸春卷炸得好香脆，里面都有好多虾胶，每一条春卷都插左一个主角小帺，小姐喺度收集𠮶啲旗仔非常兴奋。