美味佳 (已結業)

今日终于黎试，内笼装修浓厚大陆气息。哗！黎依度食起码半个钟，超慢呢。串烧种类偏少，丸类占大多数。烧鸡全翼，又会如此美味呢！刚刚烧起好好味，孜粉辣椒粉加淡蜜糖，外皮香脆、内里嫩滑多汁，连骨都损到干干净净，即刻添食！原本添食一只，但姐姐话单只唔抵食㖞，一客三只更抵。美味依然，必需趁热食，第一只 100 分、第二只 90 分，第三四只一般，少食多冶味！牛腩牛丸幼面，猪骨薯仔汤底？咁得意，有点咸带点油，非常清淡唔难饮。幼面居然会系腍身全蛋面，好似儿时阿妈煮既面，童年回忆。牛丸太过粉口喇，质数偏差，微微牛味。牛腩跟煲汤牛腩一模一样，味淡松软一丝丝。奇怪唔辣既辣椒油，劲似礳豉酱，甜甜的，捞面都几得意。