天 · 悠蔬食 (已結業)

食素嘅朋友有機會可以嚟試吓呢間素食餐廳。裝修係童話風，顏色同擺設都充滿童真，幾適合打卡。Badboy揀咗個晚市套餐，+$20加咗個湯及前菜；餐飲+$10轉配香芋黑糖珍珠；甜品+$28揀咗栗子千層班戟。-前菜🍎周打黃耳桃膠忌廉濃湯配奇亞籽紫薯蘋果薯仔伴莓乾賣相幾靚。桃膠唔少，忌廉湯好夠濃。奇亞籽紫薯蘋果薯仔伴莓乾食落好fresh好開胃。-主菜🐂鐵板威靈頓素牛柳配黑松露忌廉汁$208Badboy本身幾鍾意食酥皮，所以見到有素嘅威靈頓牛柳就想試吓。驟眼睇又整得似模似樣，酥皮整得幾香，素牛柳口感鬆軟，蕃茄同其他配菜都幾鮮甜，薯角幾香口。-餐飲🧋香芋黑糖珍珠飲落好creamy、好smooth，香芋味濃郁，珍珠口感都唔錯。-甜品🌰栗子千層班戟栗子cream同班戟層次分明，每層都好平均舖得好工整。口感偏挺身。-成個套餐好豐富，食得好飽。