影片
更多
2021-05-17
85 浏览
行经元朗见到间有露天餐桌嘅日本餐厅，觉得好写意而且餐厅环境唔错，决定试试佢！做好安心出行同埋量好体温就入座了。叫左个寿司拼盘，当中包括左有三文鱼、鲜带子、油甘鱼、北寄贝、皇帝蟹棒、加州卷同埋碎葱吞拿鱼腩蓉手卷。寿司嘅材料取材新鲜，当中三文鱼同埋油甘鱼油脂分布均匀，食落口相当满足，鲜带子同埋北寄贝就相当鲜甜，而最令我惊喜嘅就系皇帝蟹棒寿司，利申本人系麻麻地食蟹柳，但呢个皇帝蟹棒肉质非常鲜甜而且多汁，咬落好亦见到内里肉质分明，口感嘅层次亦从而提升，配埋面头嘅沙律酱简直冇得顶！软壳蟹手卷亦都非常值得一试，软壳蟹炸得香脆可口，而且大只到食到落底都仲有软壳蟹，再者手卷嘅其他配料亦都十分之多，令手卷口感更加丰富！仲有个拼盘都好吸引，叫做丰盛珍宝扬物蓝，当中既炸物包罗万有，有吉列虾、芝麻鸡翼、明太子鸡翼、芝士年糕、炸虾饼、吉列蚝同埋北海道流心芝士薯饼。全部炸物都系新鲜炸完就上枱，香脆可口之余啲炸粉亦都唔厚。当中既芝士年糕芝士味重，而年糕烟韧唔黐口，芝士同年糕之间口感分明，真系极之好食！明太子鸡翼用既系辛明太子，带少少辣，馅料丰富，亦同鸡翼十分匹配！仲有就系流心芝士薯饼都好食，薯饼打烂至薯蓉再夹上芝士
叫左个寿司拼盘，当中包括左有三文鱼、鲜带子、油甘鱼、北寄贝、皇帝蟹棒、加州卷同埋碎葱吞拿鱼腩蓉手卷。寿司嘅材料取材新鲜，当中三文鱼同埋油甘鱼油脂分布均匀，食落口相当满足，鲜带子同埋北寄贝就相当鲜甜，而最令我惊喜嘅就系皇帝蟹棒寿司，利申本人系麻麻地食蟹柳，但呢个皇帝蟹棒肉质非常鲜甜而且多汁，咬落好亦见到内里肉质分明，口感嘅层次亦从而提升，配埋面头嘅沙律酱简直冇得顶！
软壳蟹手卷亦都非常值得一试，软壳蟹炸得香脆可口，而且大只到食到落底都仲有软壳蟹，再者手卷嘅其他配料亦都十分之多，令手卷口感更加丰富！
仲有个拼盘都好吸引，叫做丰盛珍宝扬物蓝，当中既炸物包罗万有，有吉列虾、芝麻鸡翼、明太子鸡翼、芝士年糕、炸虾饼、吉列蚝同埋北海道流心芝士薯饼。全部炸物都系新鲜炸完就上枱，香脆可口之余啲炸粉亦都唔厚。当中既芝士年糕芝士味重，而年糕烟韧唔黐口，芝士同年糕之间口感分明，真系极之好食！明太子鸡翼用既系辛明太子，带少少辣，馅料丰富，亦同鸡翼十分匹配！仲有就系流心芝士薯饼都好食，薯饼打烂至薯蓉再夹上芝士炸脆，口感外脆内软，甜甜既薯蓉加上流心芝士，十分邪恶！
最后仲叫左个月见酱油牛肉丼，热热既石锅装住牛肉饭，石锅边既饭烧至有饭焦，而饭上既牛肉份量多再加上有只流心蛋，将所以野搞伴再食，口感丰富，而且酱汁味浓，岩晒我呢啲重口味人士！
卖单既时候店员仲向我地介绍佢地铺头逢星期六日同埋公众假期既晚上会有拍卖祭，在场食客可以以竞价形式抢购由餐厅提供既鱼生，呢个玩法几得意，好似去左日本啲鱼市场咁，得闲一定会再去试！
张贴
