平記麵家

营业中

休息中

第二次黎食竹升面，上次食已差不多两年喇，麻麻地，今次真系要试真啲。 蚝油生菜，白烚生菜都好淡口吓㖞，无菜甜味既？烚得太耐？ 云吞捞面走葱，虾籽清汤好味 ﹗捞面放左一阵已有点熔熔地既感觉，好糊口，完全无弹牙同咽靭感觉，发觉竹升汤面比捞面更好。竹升的弹牙只活在传说中，不过无可否认系中国传统功夫菜。云呑都几好食，但 size 特别细既？虾仔半口云吞。 水饺面，都无话走葱呀，依碗系要葱架。水饺比云吞好食，虾、肉、菇比例刚好，猪肉味香浓，汤面较捞面爽滑，满意。