影片
更多
2013-11-17
101 浏览
成语「脍炙人口」相信好多人都听过，「脍」指切细咗嘅肉，「炙」意谓烤、烧，原本嘅典故喺借用美味好食嘅烤肉，人人都钟意食，引用比喻好嘅诗词受到众人称赞和传颂。之后，就衍生成用依个成语嚟形容一件好受欢迎嘅事物，又或形容一样嘢好为人赞赏。今晚，嚟到湾仔谢菲道嘅「黑炙」，品尝其日式串烧，睇睇「脍炙」入口，能否做到脍炙人口 ！单睇门面，深灰色云石墙身，衬以一粒粒波浪纹木条，配上石英射灯，已型格十足，原来粒粒木条喻意师傅做串烧洒盐时嘅动态 ，所以，入到室内，天花之上，如出一彻，做出同样效果，既有艺术感，又有立体动感，甚有心思而富风格嘅装修。整间店舖唔算好大，一入门口左边喺开放式厨房，有数个吧位，再转入去就喺一字长形大概有20个位嘅主厅，另外仲有一个箱房，可以坐上8人。正所谓「功欲善其事，必先利其器！」要做好啲串烧，硬件当然重要，不惜工本从日本订制购返嚟高达摄氏千多度嘅烤炉 ，轻易将食材嘅肉汁锁紧；加上师傅手势嘅配合下，透过烧烤时间嘅长短，做出不同效果 。最特别喺店家嘅所有串烧坚持唔腌，希望让客人一尝原汁原味，除黑、白胡椒以外，主要就喺采用日本直送嘅竹炭盐调味，何谓「竹炭盐」 ？小弟见识少，
单睇门面，深灰色云石墙身，衬以一粒粒波浪纹木条，配上石英射灯，已型格十足，原来粒粒木条喻意师傅做串烧洒盐时嘅动态 ，所以，入到室内，天花之上，如出一彻，做出同样效果，既有艺术感，又有立体动感，甚有心思而富风格嘅装修。整间店舖唔算好大，一入门口左边喺开放式厨房，有数个吧位，再转入去就喺一字长形大概有20个位嘅主厅，另外仲有一个箱房，可以坐上8人。
正所谓「功欲善其事，必先利其器！」要做好啲串烧，硬件当然重要，不惜工本从日本订制购返嚟高达摄氏千多度嘅烤炉 ，轻易将食材嘅肉汁锁紧；加上师傅手势嘅配合下，透过烧烤时间嘅长短，做出不同效果 。
最特别喺店家嘅所有串烧坚持唔腌，希望让客人一尝原汁原味，除黑、白胡椒以外，主要就喺采用日本直送嘅竹炭盐调味，何谓「竹炭盐」 ？小弟见识少，都喺第一次认识这种材料，借用餐牌内页嘅描述，佢就喺「以含丰富矿物质的日本深海盐为原料，放进生长三年以上的青竹筒，以松木为燃料，加上黄土制成的窑，经过三整天以摄氏1,000-1,500度高温燃烧后提炼出来的食盐。竹炭盐不但含富矿物含量丰富，并具抗氧化及排毒功效。日本人相信竹炭盐有助释放人体正能量，提升免疫力。」 此外，店家亦另备一小罂竹炭盐供客人使用，方便一啲想重味啲嘅客人。
前菜小食（6款）枝豆（$38）：有啲似间场嘅花生，咬开中间嘅豆粒，腍腍哋，咸咸哋，串烧与串烧之间不停咁食；
沙甸鱼干（$48） ：以鱼仔压成薄薄一片再烧，好似食熨一片片饼干，好鬼松脆 ，沾啲沙律酱仲好食；
麦粒味噌青瓜（$48）：青瓜粒好爽脆，加埋啲捞过味噌嘅麦粒，挺有趣嘅口感，不过面豉味颇咸。
沙律（3款）红菜头大根沙律（$62） ：3款沙律之中，店方为我哋准依款备甚抢眼嘅沙律，以红菜头丝、白萝卜丝、紫苏叶丝做成，红红白白绿绿，幼细晶莹，丝丝尽显刀功，入口极之清爽，清甜多汁，值得一试 。
海鲜（4款）白鳝（$45串） ：每串有3旧，几厚肉，件件烧至肉香皮脆，咬落又满口油香，微咸而惹味 ，正呀！
肉类 （6款）牛舌（$48串） ：肉类一栏唔喺好多嘢拣，先嚟个烧牛舌，好浓味，有种弹牙又烟韧嘅口感，火喉掌握得好好；
豚肉露笋卷（$32串） ：是晚惊喜之一，因为初初望上去，以为只喺烧露笋，原来露笋之上包咗薄到透明嘅一层豚肉 ，所以，爽嫩嘅露笋中，有几分咸香油润，故此喺小弟嘅心水推介之一。
以上数款，已叫人食得意犹未尽，但奈何想分享嘅相片太多 ，唯有下篇再续。下篇仲精彩，因为轮到介绍黑炙嘅手本嘢「烧鸟」 ，除多款鸡鸭类串烧之外，仲有蔬菜、热食等串烧，加埋食事（即喺我哋叫开嘅粥粉面饭）及甜品，回想返啲滋味仲喺口中 ！
张贴
