影片
更多
2013-11-18
65 浏览
上篇分享咗前菜小食、沙律、海鲜、肉类等等几个大类别，跟住下篇会讲店中拿手嘢「烧鸟」，以及蔬菜、热食、食事、甜品……等等。继续去片，再续串烧盛宴 。 鸡鸭（14款）由于烧鸟喺黑炙嘅招牌，所以鸡鸭类就阵容最庞大，足有14款选择之多，由鸡翼、鸡肉、鸡皮、软骨、内脏，到鹌鹑蛋都有，所以，今次店家亦刻意准备多少少烧鸟款式俾我哋试，大饱口福之余，更大开眼界 。 鸡翼（$30串）：咪以为只喺普通嘅烧原只鸡翼，据介绍喺选用日本山口县长州嘅走地鸡，虽然鸡味较淡，身型较瘦，但皮下脂肪少，肉质较嫩，而且对身体健康啲。最特别喺个拮法，两条骨烧前已分开，所以食时变为方便得多，加上外皮甘香，肉嫩多汁，好味！好味！ 鸡胸软骨（价钱待定）：每只鸡只有1块鸡胸软骨，所以1串就可以讲喺用咗3只鸡。块软骨颇大件，黏连少少鸡肉，但好襟咬，夸张啲讲咬到牙骹软，唔太啱自己口味，不过算喺一种见识； 鸡骹软骨（$22串） ：如一般常食到嘅鸡软骨，细细粒，烧得香口又咸咸爽爽； 日本长州鸡肝（$38串）：鸡肝烧好后，淋上以鸡骨熬煮过浓郁鸡汁，所以卖相比较黝黑，而味道变得浓郁，质感非常之粉，钟爱食肝脏嘅人应该好对胃口；
鸡鸭（14款）
由于烧鸟喺黑炙嘅招牌，所以鸡鸭类就阵容最庞大，足有14款选择之多，由鸡翼、鸡肉、鸡皮、软骨、内脏，到鹌鹑蛋都有，所以，今次店家亦刻意准备多少少烧鸟款式俾我哋试，大饱口福之余，更大开眼界 。
鸡翼（$30串）：咪以为只喺普通嘅烧原只鸡翼，据介绍喺选用日本山口县长州嘅走地鸡，虽然鸡
味较淡，身型较瘦，但皮下脂肪少，肉质较嫩，而且对身体健康啲。最特别喺个拮法，两条骨烧前已分开，所以食时变为方便得多，加上外皮甘香，肉嫩多汁，好味！好味！
鸡胸软骨（价钱待定）：每只鸡只有1块鸡胸软骨，所以1串就可以讲喺用咗3只鸡。块软骨颇大件，黏连少少鸡肉，但好襟咬，夸张啲讲咬到牙骹软，唔太啱自己口味，不过算喺一种见识；
鸡骹软骨（$22串） ：如一般常食到嘅鸡软骨，细细粒，烧得香口又咸咸爽爽；
日本长州鸡肝（$38串）：鸡肝烧好后，淋上以鸡骨熬煮过浓郁鸡汁，所以卖相比较黝黑，而味道变得浓郁，质感非常之粉，钟爱食肝脏嘅人应该好对胃口；带子酿鸡翼（价钱待定） ：惊喜以外，就喺正，鸡翼之内酿入鲜带子，手功已经唔容易，仲要烧得外脆（鸡翼）内软（带子），既有甘香（鸡翼），又有鲜甜（带子），有创意嘅配搭，值得推介 ，只希望定价唔好太高啦；
自家制紫菜苏免治鸡肉棒（$68串） ：鸡肉全以人手刴制，唔会用机搅，做出嚟质感细致，唔会太烂溶溶，鸡肉棒内又加入紫苏叶、鸡软骨，令味道唔单调，口感唔单一 ，再配合埋日本无菌鸡蛋黄，成本要成$6、$7一只蛋，令鸡肉棒多添蛋香，入口更滑溜，真捧！
溏心鹌鹑蛋（$28串）：有惊喜自然要推介，依款串烧鹌鹑蛋又喺一例，鹌鹑蛋先烚再烧，但师傅钻研出做到流心效果，仲要好流心𠮶只，再淋上鸡骨浓汁，效果一流 ，不得不佩服师傅嘅心思及胆识。
蔬菜（9款）豆腐（$20串）：虽然蔬菜类有9款供应，如冬菇、日本长葱、蕃薯、粟米……等等，但烧菜今晚只预备咗一款「豆腐」，其实喺餐牌上嘅主厨推介之一。唔讲唔知，店家唔用来货嘅炸豆腐，豆腐都喺自家先炸后烧 ，烧时同样扫上薄薄一朕鸡骨浓汁，务求令味道富层次。
热食（6款）盐烧秋刀鱼（价钱待定） ：采用日本秋刀，比台湾货贵10倍，可见店方真喺不惜工本，况且，11月秋刀当造，正正不时不食。唔开肚原条盐烧，做法简单，最能带出鱼嘅鲜味，外皮焦香，做到皮脆肉嫩，嗒到点点盐香，再唧啲柠汁，更能提鲜。内脏会有点点苦涩，更要滴多几滴柠汁，缓和咗朕异味，效果唔同。
食事（8款）竹炭稻庭乌冬（冷）（$68份） ：乌冬虽然唔喺自家制，但仍以高成本购自日本，质感烟韧滑溜；而蘸面汤汁就坚持自家做，以木鱼花、鲭鱼花、秘制酱油混合而成，乌冬沾过汤汁，香甜鲜美，凉快透心 。食完一大轮串烧，一份冷乌冬，适合不过；
烧饭团（$32个）：大大个嘅烧饭团一开二，烧得带点焦香，不过个人感觉整体有啲硬实，另外， 饭团本身无乜点调味，较为淡口，建议糁少少竹盐，效果更好。
甜品（4款）除几款雪葩，就有自家制雪糕（$32客）。今晚分别试到芝麻味及姜汁味两款，长条形，卖相精巧 。总结一句，超出预期。前者，芝麻味香浓不在话下，嗒落有粒粒芝麻口感；后者，姜味本身已经颇为突出，带微辣，意外位喺食落有幼细姜丝、姜粒，就算唔可以驱寒，做得咁有诚意都叫人窝心啦 。
啤酒、红酒、白酒、清酒、梅酒、烧酌、泡盛、威士忌及非酒精饮品，一应俱全。小弟是晚因事唔方便饮酒，所以点咗冲绳石榴汁（$38），原枝日本直送，虽然注明果汁成份只占20%，但饮落石榴味浓郁，微酸 ，我就觉得几适合食串烧时饮，可以解解油腻感 。
最后送上别致嘅小糖果，中间「黑」字正正就喺「黑炙」商标，煞是有趣 。
除汤类（味噌汤及大蚬清汤）以外，基本上每一类食物都试咗一款以上，虽然日本串烧一向都唔便宜，但计及舒适环境、贴心服务、用料高质、技巧上乘、创作特别……等等，「黑炙」嘅竹炭盐烧，都有能力直卷全城。
张贴
