燒蝦蝦 (興泰大廈) (已結業)

諧音笑哈哈嘅“燒蝦蝦”名字易記，招牌logo都好突出，大大隻蝦對住你。📣📣畀人嘅印象就一定有蝦食同一定係最出色嘅食物。今次試咗覺得整體唔錯，性價比都幾好喎，真係值得畀一個笑哈哈。😊通常我都會留意有咩熟食。我覺得比較推薦係熟食滷味同黃油雞🥩🐔。覺得幾特別嘅係有燒排骨，因為出面燒味鋪通常要加錢嘅；呢度嘅鹵味嘅質素亦都唔差。黃油雞都算多肉嘅,如果再熟少少就會更好。食海鮮之前印象幾深嘅係一個加冰嘅counter🧊。因為我哋任食海鮮係自助式嘅，咁我覺得呢間餐廳都幾細心，畀咗啲冰我哋可以自己去攞，就唔會令到啲海鮮咁快變呀。🌩️🦐蝦真係不得不試因為係呢度嘅招牌。活生生嘅流水蝦蟹係任食嘅，果然係新鮮到不得了。而且佢哋都係超大隻肉質亦都係好鮮甜。🐚沙白蜆亦都非常推介因為好多肉，夠新鮮。